عهد القدماء

الحلقة الرابعة #المجهول

نبدأ.

الجزء الرابع.

المجهول.

تعريف:شركات الابطال كتيرة جدا و مليانة ابطال بس طبعا فى افضل الشركات و هما 5.

شركة النمر الابيض.

شركة العنقاء الذهبية.

شركة اله القوة.

شركة المتميزين.

دول افضل شركات ابطال.

مجموع الابطال اللي فى اعلى مستوي (اس) هما 10 اشخاص على مستوي العالم و دول التوب على مستوي القوة و المستويات.

فى بيت مي.

وصف البيت:فيلا كبيرة و واسعة و ليها جنينة كبيرة جدا و مزروعة الفيلا دورين الدور الاول واسع فيه الصالة واسعة جداا و فيها التيلفزيون و السفرة و فيه مدخل المطبخ و حمامين و مكتب البيه الكبير و الدور التانى فيه اربع اوض الاوضة الاولى لابو و ام مي و الاوضة التانية فيها اخت مي الصغيرة و الاوضة التالتة مي و الاوضة الرابعة اخت مي الكبيرة بس هي مسافرة و الاوضة مقفولة.

ناصر(ناصر يبقى ابو مي

الطول:170 وزن:115 سنو:54

الشكل:اقرع خالص مناخيرة صغيرة و شفايفة صغيرة عينة ضيقة.

جسمو:تخين و عندو كرش كبير قدامو متر.

القوة:الليزر بيقدر يخرج ليزر من ايدو كانت قوية و هو شاب وصلها لدرجة انو بيض*ب شعاع ممكن يبخر شخص كامل بس وقفت عن التطوير.

نبذة عنو:ناصر كان شاب قوي فى الرتبة (أ)ثانى رتبة شغال فى شركة من الشركات الخمسة شركة العنقاء و بياخد فلوس كتير بيحب ولادو جدا مراتو متجوزها جواز صالونات زمان متفرقش معاه دلوقتى.)

جاكلين(جاكلين تبقى ام مي

الطول:175 وزنها:80 سنها:37

الشكل:عنيها واسعة و لونهم رمادى مناخيرها رفيعة و طويلة شوية خدودها تخان شوية و ده مخليها جمييلة جدااا و شفايفها صغيرة.

القوة:التخدير لو عضت شخص بتقدر تخدر عضلاتة لمدة دقيقة كانت قوية و قدرت تطورها ل دقيقة و وقف التطوير.

نبذة عنها:ست من الستات الراقيين عليتها كانت غنية ومتربية على الاتيكيت عمرها ما عرفت الحب كانت فاكرة ان ناصر هيحبها بس اكتشفت انة مش همة اصلا بتحب ولادها و مستعدة تعمل اي حاجة عشانهم.)

سالى(سالى هي اخت مي الصغيرة

طولها:20 وزنها:15 سنها:7

شكلها:كيوت جداا عينيها واسعة ولونها ازرق شعرها **تنائى و طويل و شفايفها و مناخيرها صغيرين

القوة:الشفاء القوة انها تشفى اي جرح تتعرضلة بس يكون طفيف خربوش او تعويرة ماتقدرش تشفى حد تانى قابلة للتطوير.

نبذة عنها:بتحب مي جدااا و واخداها مثلها الاعلى على الرغم من سنها بتفهم بتحب ابوها و امها و فرحانة بحياتها.)

الشغالة بتفتح الاوضة على مي و الشمس بتدخل مي بتفتح عنيها

مي:ايه يا نسرين مصحيانى بدرى ليه؟

نسرين:البيه الكبير هو اللى طلب مني يا ستى

مي:عايز ايه بابا على الصبح.....قوليلة نازلة دلوقتى و اعمليلى فطار علي مااخد دش

نسرين:حاضر يا ستي

دخلت مي الحمام

ونزلت نسرين للمكتب تحت و فتحت الباب ناصر كان قاعد على المكتب عرقان و متوتر وبيقلب فى ورق بص فوق لقى نسرين واقفة.

ناصر:ندهتلهم يا نسرين و استعجلتيهم على النزول؟

نسرين:ايوا يا بيه و خبط على اوضة الهانم الكبيرة و ردت عليا من جوة و قالتلى نازلة و الهانم الصغيرة صحتها و قالتلى هتاخد دش و تنزل

ناصر:كويس....كويس روحى انتى يا نسرين اعمليلى قهوة

نسرين:حاضر يا بيه

نسرين خرجت من الاوضة و راحت على المطبخ عشان تعمل القهوة و الفطار نزلت مي و جاكلين من على السلم

مي:صباح الخير يماما.

جاكلين:صباح النور يحبيبتى

مي:ماتعرفيش بابا عايزنا فى ايه عشان يصحينا 7 الصبح؟

جاكلين:انا زيي زيك يابنتى حتى امبارح مطلعش ينام فى الاوضة و فضل فى المكتب

مي:خير خير

نزلو مي و جاكلين و دخلو على ناصر الاوضة لقوه قاعد بيجيب عرق من كل حته و متوتر على اخرة اتخضو هما الاتنين

جاكلين:مالك ياحبيبى في ايه؟متوتر من ايه؟

ناصر:اقعدو عشان هقولكم حاجة مهمة جدا

مي و جاكلين قعدو و هما خايفين و اتوترو من ناصر

مي:بابا انا قلقت في ايه ؟طمنى.

جاكلين:ايه يا ناصر الى حصل اكيد ليه حل

ناصر:ده بالذات ملوش هحكيلكم اسمعونى كويس

نسرين فتحت و دخلت بالقهوة و حطتها على المكتب

ناصر:اقعدى يانسرين عشان تسمعى انتى كمان انتى طول عمرك معانا و بنعاملك كأنك واحدة مننا اقعدى

نسرين:يسلم أصلك يا بيه و قعدت

ناصر:اللى حصل ان انا هيطردونى من الشركة و هيحجزو على كل حاجة امتكلها الفيلا و العربيات و الفلوس كل حاجة

كلهم اتخضو من الكلام و برقو لبعض

جاكلين بزعيق:ازاي يحصل الكلام ده ايه اللى حصل لكل ده؟

مي:ايوا يا بابا ايه اللى حصل عشان كده؟فهمنا كويس

ناصر:وطوا صوتكم عشان سالى ماتسمعش هحكيلكم

انتم عارفين طبعا ان شركة العنقاء اللى انا فيها من الشركات الخمسة الافضل و ان ابطال المستوي(اس) متوزعين على الشركات.

كلهم:عارفين

ناصر:اللى انتو ماتعرفهوش بقى ان ده مش حقيقى

كلهم بصوت واحد:اييه؟!

ناصر:هفهمكم ابطال المستوي (اس) اقويا جداا قوتهم تخطت المفاهيم احنا مانقدرش نحكمهم انهم يتوزعو على الشركات هما اللى بيختارو الشركة الى ينضمولها فى 10ابطال فى العالم كلهم نقو

و التقسيم كالأتى:

شركة النمر الابيض:عدد ابطال ال(اس) هما5

شركة المتميزين:عدد ابطال ال(اس) هما3

شركة اله القوة:عدد ابطال ال(اس) هما 2

شركة العنقاء الذهبية:عدد ابطال ال(اس) هما 0

جاكلين استغربت و خافت:ازاي ده مستحيل

مي:ازاي يا بابا يعنى شركتك مفيهاش ابطال اس ؟

ناصر:كان فيها بطلين بس راحو لشركة النمر الابيض و منعرفش ليه و ده سبب ن**ة لشركتنا و هتضطر تصفى العمال و تحجز على الممتلكات اللى وفرتهلهم على مدي السنين عشان تقدر تكمل و لو كملت هيرجعو كل حاجة بس كلة عارف انو مستحيل لان مفيش ابطال مستوي اس هيظهرو تانى.

مي:يعنى كل حاجة هتروح و هنترمى فى الشارع؟

جاكلين بغضب:لا لازم نعمل حاجة ده بيتنا ازاي يخدوه يعني هنمشى؟

ناصر:لا عشان هما عارفين مركزى كبطل زمان قررو انهم يدونا مهلة 5 شهور و بعدين هياخدو كل حاجة فى الخمس شهور دول انا لازم الاقى بطل اس او يوازي الابطال عشان نقدر نكمل.

مي عيطت:انا ماتخيلش ان الدنيا تتقلب كده احنا عملنا ايه؟

نسرين قامت من مكانها و حضنت مي و هي بتعيط هي كمان و قامت جاكلين و حضنتهم و بقو كلهم يعيطو

ناصر:ماتقلقوش انا هلاقى بطل اس و هنقذ بيتنا انتم بس متشغلوش بالكم بس انا كان لازم اقولكم نسرين اعملي ليمون و اشربو و اهدو انا خارج دلوقتى.

سابهم ناصر و خرج برة البيت و ركب العربية و وهو سايق راح معيط

ناصر لنفسة:انا عملت ايه عشان يحصلى كده؟ فنيت عمري فى الشركة و يحصلى ده كله يسرحونى ابطال ال(اس) هما السبب

فضل ناصر ماشى بالعربية.

فى بيت احمد.

ياسمين بتتكلم فى التليفون:شكرا على الخروجة امبارح انا فرحت جدااا

محمد:طالما فرحانة ياقمر يبقى انا اديت مهمتى

ياسمين ب**وف:انا عايزة اسألك سؤال

محمد:مش مرتبط لا ههههه

ياسمين:انا مكنتش هسأل ده

محمد:اسف كملى

ياسمين ضحكت:ههههه انا كنت هسألك انت مش ناوي تقدم فى شركة عشان نشتغل فى الاجازة؟

محمد:انا كنت بفكر فى الموضوع ده من فترة فعلا بس ماخدتش قرار لسا انتى هتعملى ايه؟

ياسمين:انا كنت بفكر اقدم فى شركة المتميزين اربع شهور بتوع الاجازة منها اجيب فلوس و منها اتدرب و اقوي قدرتي

محمد:خلاص و انا معاكى تعالى نروح بكرة نقدم

ياسمين:ايه ده هتيجي معايا الشركة؟

محمد:اه طبعا امال اضمن ازاى ان محدش يبص عليكي

ياسمين ات**فت:ايه انت بتغير عليا ولا ايه ؟هو احنا مرتبطين؟

محمد:اه بغير عليكي طبعا و معرفش مرتبطين ولا لا انتي ايه رأيك؟

ياسمين ب**وف :معرفش.....يلا سلام.

محمد:قفلت بنت المجنونة بس يلا كلها اربع شهور و هخليكي كلبة عندي ههههههههه

فى بيت مدام مها.

مها بتكلم هناء

مها:انتى يابت مش ملاحظة ان اخوكى مخرجش من اوضتة من امبارح انا قلقانة عليه

مها: ادخلي اطمنى عليه عشانى

هناء:حاضر حاضر بس هتعمليلى ام على ههههه

مها:على النار اهي هههه

هناء قامت و راحت على اوضة مصطفى و خبطت مرتين و فتحت الباب لقت مصطفى قاعد على السرير و حاطط راسة بين رجلية و بيعيط قفلت الباب بالترباس و جريت عليه.

هناء:مصطفى مالك ياحبيبى احكيلى فيه ايه؟

مصطفى معملش حركة

ملحوظة(هما متعودين ان مصطفى يكلمهم بلغة الاشارة)

هناء:قولى ياحبيبى انا اختك اللى بتحبك مالك؟زعلان عشان مابتعرفش تتكلم؟

مصطفى مردش

مصطفى عارف انة مينفعش يقول لاختة ان محمد ض*بوة

هناء:زعلان عشان قوتك مبتتطورش؟

مصطفى قرر انة يداري بدي راح هزز دماغو اه

هناء:ياحبيبى متزعلش ناس كتير قوتهم مابتتطورش على الاقل انت اتولدت بقوة مش احمد اخو ياسمين

مصطفى راح ماسح دموعة و عملها اشارة عندك حق

هناء:و ياعم ايه اللى يخليك تحتاج القوة اصلا انت عندك انا و ضحكت

هناء ضحكت :طب انا هخرج انا بقى لو احتجت حاجة كلمنى يحبيبى انا اختك برضة

خرجت هناء من الاوضة لقت مها قاعدة

مها:ها فى ايه؟

هناء:ولا حاجة يا ماما كان زعلان عشان قوتة مابتتطورش بس

مها:ياكبدى يابنى اشمعنا هو؟

هناء:يا ماما على الاقل عندة قوة انتى ناسية احمد ولا ايه؟

مها:يابنتى اذكريلنا سيرة عدلة احسن من ده

هناء ضحكت:هههههه احمد مكفركم كلكم كده ده غلبان

مها:خليه يغور مطرح مراح مش بعيد يكون مات و ريحنا سيرة بتجيب الفقر

هناء:هو راح فين صحيح يا ماما ؟

مها:منار بتقولى انو اشترى تذكرة لبلد برة هيقعد اربع شهور هناك

هناء:طب وليه سافر؟و بلد ايه؟

مها:معرفش مسألتوش يلا يغور فى داهية انت يهمك فى ايه اصلا؟

هناء:ولا حاجة فضول بس

الجزء الرابع

فى الجزيرة.

قبل الاحداث دي و اثنأها

انا فتحت عيني على صوت المنبه الساعة 6 الصبح طفيتة و قمت بصيت من الشباك المنظر جمييل دخلت خدت دش و خرجت لبست الترنج و نزلت على الصالة لقيت ماريتزا واقفة بتحط الاطباق مكلمتهاش و قربت على طبقى خدت الموزة كلتها و لاحظت انها بتبصلى من تحت كأنها مستنية حاجة مركزتش و خرجت و رحت عند بوابة القرية و بدأت التمرين و بعد ماخلصت الجري و وصلت عند البحيرة و انا بنهج كتيير شربت شوية ماية و بدأت كل التمرينات و وبين كل تمرين كنت بشرب من البحيرة خلصت و رجعت على القرية كانت الساعة 1 بس ملقتش ولا بني ادم فى القرية كلها فاضية انا استغربت جدااا ازاى مفيش حد ببص لقيت شانتي بيحط الطرابيزات فى المطعم قربت عليه

انا:شانتي ازيك؟ايه فين الناس الى هنا؟

شانتي:كويس يا احمد الناس كلهم فوق الجبل عشان التجمع الى عاملو الزعيم.

انا:تجمع ايه ده؟

شانتي:تجمع المسابقة الى بعد تلت شهور

انا:طب انا هطلع

شانتي:لا مينفعش يا احمد التجمع ده لاهل القرية بس م***ع حد يطلع

انا:طب و انت مروحتش ليه؟

شانتي:انا خدت مكان والدي فى تجضير المطعم و هو طلع

انا:ماشى يا شانتى شكرا انا هروح بيت باتيستا عشان الشغل سلام

شانتي:سلام

سبت شانتي و انا مستغرب تجمع القرية كلها تروحة المسابقة دي شكلها كبيرة اوي هبقى اسأل الزعيم عليها بليل و رحت عند بيت باتيستا و فتحت الباب و دخلت على الارض و سقيتها كلها خد منى 3 ساعات كان التجمع خلص و باتيستا دخل عليا

باتيستا:انت جيت خلصت شغلك؟

انا:اه لسا مخلص اهو السقي اسهل من الحرت و الزرع بكتير

باتيستا:وبعدين هتتعود على الحرث كمان و مش هيبقى تعب ده اجرك

خدت من باتيستا 60ج كده بقى مجموع الى معايا 210ج

سبت باتيستا و خرجت لقيت ماريا فى وشى

ماريا:ايه يا احمد خلصت و هتمشى علطول طب اشرب شاي

انا:معلش مرة تانية عشان تعبان من التمارين و عايز استريح سلام

ماريا:سلام

خرجت من عند باتيستا و رحت على الفندق لقيت ماريتزا واقفة عند الطريزة كالعادة طلعت خدت دش و غيرت هدومى و نزلت لقيت طبق الرز بالبيض كلتة و ماريتزا برضو بتبصلى كأنها مستنية حاجة انا عملت مش فى دماغى و طلعت فوق الجبل عند زعيم القرية تعبت برضو كالعادة لقيت الزعيم بيتأمل و البنت الجميلة قاعدة بتقرأ كتاب

انا:اهلا

الزعيم فتح عينة :احمد ازيك؟خلصت تمريناتك؟

البنت بصتلى و ابتسمت

انا:اه يازعيم خلصتها و خلصت الشغل و جيت اتأمل شوية

الزعيم:تعالى اقعد

انا:عندي سؤال يازعيم ايه هو التجمع بتاع النهاردة ده؟

الزعيم:ده كان تجمع عشان نناقش هنعمل ايه فى المسابقة الى بعد تلت شهور لازم ن**ب المرادى بأي تمن

انا:انا مش فاهم ليه بتتنافسم للدرجة دي لما الجائزة انك تختار اي حد انت تختارها

الزعيم:انت مش فاهم يا احمد كويس ، انك تختار معناها انك ممكن تختار بنت زعيم القرية و لما تبقي بنت زعيم القرية زوجتك كده انت بتتحكم فى القرية كلها و الجزيرة.

انا:طب و ليه قبيلة الغربان ما اختارتش بنت الزعيم من زمان

الزعيم:لانهم عايزين يزلونا هما كده طماعين و جشعين و عندهم القوة بس بيبقى فيه اضافة للمسابقة و هو زي الجايزة الكبرى بتبقى اجمل بنت فى كل القرى بتبقى جايزة الفايز بالمسابقة غير الشخص اللى هو بيختارو و البنت دي تبقى بنتى الى قدامك انجيلا

انا:هي جميلة فعلا طب ماتفوزو يزعيم اتدربو انا لاحظت ان الحلبة فاضية

الزعيم:كل الى هنا شباب اطفال كبار قدرتهم مابتتطورش مهما اتدربو مش هيفرق و انا مستحيل اخلى حد يلمس بنتى او قريتنا يا احمد مستحيل

وفضلنا نتكلم انا و الزعيم و سألنى عن حياتى و حكيتلو انى بتعامل ازاي و من التنمر و شكلى و هو حكالى عن الاجداد و عن زوجتة و بنتة انجيلا و ان هنا فى القرية مابيفرقش معاهم شكل الشخص ولا احصائياتة كلنا ابناء الالهة بالنسبالهم وصلت الساعة 12 نص الليل و القمر بقى عمودى علي المعبد الزعيم قام ولع الشعلة فى القدر و جه قعد جمبى

الزعيم:هنبدأ التأمل ركز

انا و الزعيم مع بعض قفلنا ايدينا و غمضنا عينا و وجهنا وشنا للقمر

الزعيم:حس بالارض تحتك كأنها بتتحرك

حس بذرات الهوا بتلمس وشك و دراعك و رجلك كأنها بتعمل رسمة حولين جسمك

حس بضوء القمر بيخبط فى وشك فى روحك فى قلبك كأنو اداك القوة الى فى الكون كلها

حس بالشجر الهوا بيهزو يمين و شمال ثابت فى الارض قوة جذورو.

انا كل ده بحس بكل حاجة كأن صوتة بيوجهنى

حسيت انى بطير فى مكان ضلمة كلو و القمر ظاهر كلو قدامى و انا ببص عليه و فجأ ظهر شخص فى وسط القمر انا ركزت لقيت

شخص شعرة و حاوجبة و دقنة طويلة جدا و بيضاء بياض القمر و لابس جلابية و اوشحة بيضاء فى ازرق انا فضلت اقرب منة و اقرب وفجأة فتح عينة انا من الخضة فتحت عينى و فكيت ايدي بصيت على الزعيم لقيتة بيتأمل خفت اقولة عن اللى شفتة ليكون حاجة وحشة

انا:انا خلصت كده يزعيم هروح انام بقى عشان اريح جسمى لتمرينات بكرة

الزعيم:ماشى يا احمد تصبح على خير

انا:وانت من اهل الخير

خرجت من المعبد لقيت انجيلا بتبصلى و تبتسم ابتسامة جميلة جدااا ات**فت و نزلت من على الجبل كانت الساعة 2بعد نص الليل لقيت القرية كلها نايمة و كلة قافل رحت الفندق و دخلت ملقتش ماريتزا قلت اكيد نايمة لقيت طبق العشا كلت حته اللحمة و طلعت على اوضتى خدت دش و غيرت هدومى

انا مع نفسى:مين اللى انا شفتة ده جوا القمر؟

كان شكلة قوي ؟مش هشغل بالى بده خليني فى التمرينات بتاعتى.

فى بيت احمد.

ياسمين:محمد بيحبنى اكيد كل تصرفاتة بتقول انة بيحبنى كلامة معايا خوفة عليا و بيفضى نفسة عشان يخرج معايا اكيد بيحبنى انا بكره هقولة انى بحبة اكييد و اللى يحصل يحصل..........وليه بكرة انا هكلمة دلوقتى.

ياسمين بتمسك التيلفون و رنت على محمد.

فى بيت محمد.

محمد كان بيلعب على الكمبيوتر لقى التيلفون بيرن بص لقى ياسمين اتعدل و قفل اللعبة

محمد:عايزة ايه دي دلوقتى

محمد:الو

ياسمين:ازيك يامحمد انت كنت نايم ولا ايه؟

محمد:لا صاحي ياقمر و حتي لو نايم اصحالك طبعا

ياسمين ب**وف:انا عايزة اقولك حاجة

محمد:ايه هي؟

ياسمين:انا....انا...

محمد:انتي....انتي....

ياسمين:سيبنى اتكلم متقطعنيش

محمد:ههههه حاضر اسف اتفضلى

ياسمين:انا....انا بحبك.

محمد:ايه مسمعتش كده سمعيني قولتى ايه

ياسمين علت صوتها:قولت اني بحبك!

محمد:انتى فاجئيتنى يا ياسمين انا طول عمرى شايفك اختى الكبيرة

ياسمين ات**فت و وشها كلو احمر على اخرو:ااا.....ان....

محمد:ههههههههههه ات**فتى صح هههههههههه

ياسمين بغضب:انت فاكر كل ده هزار؟!

محمد:ههههه اسف يقلبى و انا كمان على فكرة

ياسمين:وانت كمان ايه؟

محمد:و انا كمان بحبك اوي

ياسمين بفرح و **وف:بجد؟!

محمد:اه بجد بكره هعدي عليكي نروح للشركة عشان نقدم الطلب و نتكلم عشان اشوف تعابير وشك الجميلة كلها

ياسمين:ماشى هستناك وراحت قفلة بسرعة

محمد:اخير كلها كام شهر و الدموع تبقا مغرقة عينك كلها هههههههه

فى بيت احمد.

ياسمين صحيت الساعة 12 الضهر و هي مبسوطة وفرحانة من اللي حصل امبارح خدت دش و فضلت تنقى هتلبس ايه و نقت فى الاخر فستان تحت الركبة بشوية و منفوش من تحت و مفتوح من الدرعات و استنت شوية لحد اما الباب خبط راحت تفتح

ياسمين:محمد جيت بدرى!

محمد:مقدرتش استنى وشكلك انتى كمان كده

ياسمين ات**فت و مردتش

محمد:طب يلا بينا عشان نروح الشركة

و راح سحبها من ايديها و نزلو و ركبو عربية محمد و راحو عند شركة المتميزين وقفو قدام الشركة ركن محمد

محمد:يلا بينا ياحبيبتى عشان نقدم

ياسمين ب**وف:حبيبتك؟

محمد:اه طبعا حبيبتى اه صح ياسمين

ياسمين:نعم

محمد بصلها فى عنيها :انا بحبك اكتر من اي حاجة فى الدنيا

ياسمين وشها احمر و بقت زي القمر:وانا..وانا كمان

محمد ابتسم و باسها من خدها و نزل من العربية و راح فتحلها الباب و خدها من ايدها و دخلم الشركة كانت شركة كبيرة جدااا تلت مبانى جمب المبنى الرئيسى فى الوش دخلم هما الاتنين لقو بنتين واقفين ورا طربيزة بشكل حلزونى كده و مبتسمين

محمد:اهلا انا محمد انا كنت عايز استمارتين تقديم ابطال

البنت:شرف*نا يا استاذ محمد دقيقة هيكونو معاك

فتحت البنت درج و خرجت رزمة ورق و سحبت ورقتين و ادتهم لمحمد

البنت:اتفضل هتملي الاستمارتين دول و بعد لما تخلص هننتقل لحساب القدرة و نصنفكم اتفضلم

محمد:شكرا

محمد سحب ياسمين من ايدها و قعدو على الكراسى و كل واحد ملا ورقتة اسمة و سنة و قدرتة و هو بيدرس ولا خلص

خلصو الاتنين و ادو الورق للبنت البنت خدت الورق ختمتو و عدت من ورا المكتب

البنت:اتفضلو ورايا

مشيو وراها وهما بيتأملو المكان وحلاوتة شاشات عرض فى كل حته بتحكي عن الشركة و تاريخها و ناس واقفة بتتف*ج بعدين وقفت الست و فتحت باب كبير شوية و دخلو التلاتة

المكان كان واسع جدا و فاضى مفيهوش حاجة زي ملعب بس مفيهوش حاجة خالص و فى راجلين واقفين فى النص قربو محمد و ياسمين للراجلين

الست:دول هما مسؤولين التصنيف فى الشركة هيقيمو قدرتكم

الراجل1:اهلا بيكم متخافوش خالص التمرين عادى ههههه

الراجل2:يلا نبدأ؟

محمد:يلا انا جاهز هبدأ الاول

الراجل1:قدرتك هي تزويد العضلات اختبارك هيبقى انك تض*ب الحيطة دي باقصى قوة ليك و لقدرتك

محمد وقف قدام الحيطة و زود عضلات ايدة لاقصى حاجة و راح مرجع ايدة لورا و وض*ب الحيطة بقوة الحيطة كلها اتشققت و ظهر حفرة داخلة لجوا فى الحيطة كلهم انبهرو من القوة

الراجل 1:قدرة قوية جداا

الراجل2:هيبقى ليه مستقبل رهيب فى الشركة

ياسمين فى سرها:واو قوتة كبيرة جدااا

الراجل1:اتفضل يا استاذ محمد يلا يا انسة دورك

ياسمين متوترة

الراجل2:اهدي عادي الموضوع مش صعب قدرتك هي مجال الجاذبية روحى عند الطربيزة الى هناك دي و شغلى مجال الجاذبية باقصى قوتة

ياسمين راحت للطربيزة وقفت جمبها و شغلت القدرة باقصى قوة الطربيزة ابتدت تتحرك براحة و مرة واحدة لزقت فى الارض كلها كانها بقت هي و الارض حته واحدة

الراجل1:القوة دي كلها ولسا القدرة ماتتطورتش!!

الراجل2:الاتنين مبهريين ولسا طلاب دول اقوى من ناس كتير فى الشركة

محمد:زي ماتوقعت قوية

ياسمين رجعت جمب محمد و هي متوترة

الراجل1:انتو الاتنين قدرتكم قوية جداااا اتفضلو لاخر اختبار بقى عشان نحدد تصنيفكم

الراجل2:هتقفو عند البلورة و تحط ايدك عليها و تشغل قدرتك بس

محمد راح الاول جمب البلورة و حط ايدو بهدوء و راح مشغل قدرتة البلورة ظهر جواها رتبة(سى)

الراجلين بصو لبعض بفرح

و بعدين راحت ياسمين و حطت ايديها على البلورة و شغلت قوتها

ظهر جوة البلورة رتبة(سى)

الراجل1:مب**ك ليكم انتو الاتنين فى نفس الرتبة

الراجل2:الروتين هو بما انكم رتبة (سى) مهماتكم هي القبض على حرامية صغيرين زي حرامى شنط محلات و هكذا و بتترقوة فى الرتب بناء على الاعمال الى عملتوها للشركة هتقبضو فى الاسبوع200ج و طبعا بتزيد الفلوس لما رتبتك تزيد

محمد:تمام هنبدأ امتى؟

الراجل1:بكرة لو تحبو انتم خلاص كده معانا فى الشركة مبروك

محمد:شكرا

محمد مسك ايد ياسمين و خرجو من الشركة و ركبو العربية

محمد:كده مب**ك علينا الشغل ياقلبى ههههه

ياسمين:انت طلعت قوي اوي انا متخيلتش القوة دي

محمد:دي حاجة عادية انتى من ناحية تانية قدرتك حاجة خرافية

ياسمين ات**فت:شكرا

محمد:يلا بينا نروح و نقعد فى البيت عندكو

ياسمين:يلا

*********