عهد القدماء

الحلقة التالتة #الغدر

الجزء التالت.

الغدر.

صحي احمد الساعة 6 الصبح كان نور الشمس خفيف فى الاوضة و العصافير بتصوصو بصوت جميل احمد ابتسم لانة اول مرة مايصحاش على قلم على وشة

انا : النهاردة بداية التمرين انزل افطر و بعدين اروح لماكو اقولة اني هتدرب و ابتدى.

دخل احمد خد دش و خرج لبس ترنج التمرين و هو سويت شرت ازرق و بنطلون قماش ازرق و نزل لقى ماريتزا بتنظم اكل على طربيزة اطباق كل طبق فى اكل

انا : صباح الخير يا ماريتزا

ماريتزا ببرود : صباح النور

انا : عاملة ايه على الصبح كده؟

ماريتزا : مايفرقش معاك فى حاجة

انا بضيق : تمام انا عايز اعرف فين بيت ماكو؟

ماريتزا : بعد ما تخرج من هنا هتفضل ماشى لحد بوابة القرية وراها على اليمين فى وسط الشجر

انا : ليه بعيد وبرا القرية مش وسطكم؟

ماريتزا ببرود : اسألة

انا بضيق اكتر : شكرا

احمد بص على الطربيزة لقى الطبق بتاعة فيه موزة كبيرة و لونها اصفر و ناضجة عمرة ماشاف اكل كده كلها بأستمتاع و خرج من الفندق ملقاش ناس كتير فى القرية مشى لحد البوابة و مشى على اليمين وسط الشجر لقى بيت خشب و قش ت**يمة عادى بس كان فيه شباك مفتوح ندهت علي ماكو .

ماكو فتح الباب : ازيك يا احمد صحيت بدري النهاردة

احمد : اه ماانا قولتلك انى هبدأ تمرين عامل ايه؟

ماكو : انا بخير بعد لما تخلص التمرين انا لقتلك شغل عند باتيستا

احمد : باتيستا مين و ايه نوعية الشغل؟

ماكو : باتيستا هو واحد من اعضاء مجلس القرية عندو 70سنة الشغل انك تحرثلة الارض بتاعتة كل يوم هيد*ك 20ج فى الساعة

انا : انا موافق على الشغل بس ايه هو مجلس القرية؟

ماكو : اه صحيح انا نسيت اقولك عليه مجلس القرية هو اللى بيتخذ القرارات فى كل حاجة تخص القرية المحاصيل اماكن الزرع الاراضى و هكذا و رئيس المجلس هو زعيم القرية

ماكو : احمد سرحت فى ايه؟

انا : لا مفيش حاجة بقولك اول تمرين ليا الجري المفروض اجري 10كيلو بس انا معرفش المسافات

ماكو : 10كيلو تبقى من عند بوابة القرية لحد بحيرة دموع الالهة

انا : بحيرة دموع الالهة؟ايه دي؟

ماكو : انت فاكر اسطورة البطل الاعظم؟

انا : اه طبعا فى حد مايعرفهاش البطل اللى مستواه وصل200 و قوتة كانت كبيرة جدا

ماكو : فى بعض الاقاويل ان البطل الاعظم جه جزيرتنا و كانو اسلافنا الكبار هنا بتقول الاقاويل ان البحيرة اتعملت لما البطل الاعظم حارب اقوي وحش فى الجزيرة و فاز عليه مكان موت الوحش عمل حفرة فى الارض و بعد ما اتهزم السما مطرت و ملت البحيرة و بطلت اتسمت دموع الالهة عشان الوحش ده اذى الالهة و اتقتل فا الالهة باركتنا بالبحيرة دي

انا : انا مكنتش متخيل حاجة زي كدة بس شكلها بحيرة جميلة انا همشى بقى عشان التمرين سلام

ماكو : سلام

احمد بص فى الساعة لقى الساعة 7 رجع لبوابة القرية و بدأ اول تمرين الجري هيجري 10 كيلو ابتدأ احمد يجري.

#####

فى بيت محمد. ف الأوضة بتاعتة هو قاعد مع اصحابة مرزوق ونادر

الباب خبط و فتح و دخلت عبير

محمد : ايه ياماما فى حاجة؟

عبير(طولها : 162 وزنها : 85 سنها : 51

شكلها : ملامحها حلوة و عنيها ضيقة شوية

القدرة : حركة ايد سريعة تقدر تحرك ايديها بسرعة بس ضعيفة تقدر تغسل المواعين بسرعة تمسح كده مش قوية غير قابلة للتطوير

نبذة عنها : بتحب ابنها جدااا و فرحانة انة قوي بتحب منار و ياسمين و نفسها ياسمين تتجوز ابنها و بتكره احمد كرة العمي لانها فاكرة انة مش بني ادم اصلا )

محمد : ايه ياماما فى حاجة؟

عبير : لا ياحبيبى انا بس جاية اقولك انى رايحة لخالتك لو احتجت اكل انا حاطة فى التلاجة سلام ياحبيبى متبوظش البيت

محمد : ةماشى ياماما تروحي بالسلامة

عبير خرجت و قفلت الباب و بعدين خرجت من الشقة

و هما بيضحكو تليفون محمد رن مكتوب ياسمين القمر

محمد راح مورلهم التيلفون

محمد : قولتلكم هي متستغناش عني

الاتنين فى صوت واحد : رد عليها يلا

محمد فتح : : اهلا بالقمر وحشانى من امبارح ومش عارف انام

وبيشاور لصحابو راحو ضحكو

ياسمين : : مش هتبطل مجاملات بقى و مش عارف تنام ليه؟

محمد : اولا انا مش بجامل و ماتقوليش كده تانى و مش عارف انام عشان بفكر فيكي طول الليل

ياسمين : : طب هنخرج النهاردة تانى؟

محمد : وقت لما انتى تعوزى ياجميل ترنى عليا هتلاقيني تحت البيت

ياسمين : طب ايه رأيك فى دلوقتى؟

محمد : نص ساعة هتلاقيني عندك

ياسمين : ماشى مستنياك ماتتأخرش و قفلت

محمد لصحابة : مش قلتلكم انت و هو يلا عشان البس و امشى

الاتنين بصوت واحد : ابسطنااااااا ههههههه

وصل محمد عند العمارة و دخل و هو طالع على السلم لقى مصطفى اخو هناء نازل و هو نازل محمد حب يرخم عليه مصطفى حود يمين محمد حود يمين مصطفى حود شمال محمد حود شمال و بعدين محمد حود يمين و مصطفى نازل راح محمد ض*بة على وشة

مصطفى غضب و من غير تفكير ض*ب محمد بالقلم محمد كأن نار اتشعللت فى دماغة راح ماسك مصطفى من وسطو و رفعو من على الارض و نزل تحت السلم مكان محدش يشوفة و راح لازق مصطفى فى الحيطة جامد

محمد : تض*بنى انا يا ابن الكلب انا هوريك

وراح ض*بة قلم جامد على وشو محمد برق شوية بعدين راح ضارب مصطفى على وشة قلم قوى خلى ايد محمد تعلم احمر على وش مصطفى

محمد طلع عند ياسمين و خبط

منار : : حاضر يااللى بتخبط جاية اهو

وراحت فتحت الباب لقت محمد خدتة بالحضن

منار : حبيب خالتو نورت البيت ياواد اتفضل

محمد : ازيك ياخالتو عاملة ايه؟ماما فين؟

منار : امك جوا اهي فى اوضتى انت جاي ليه فى حاجة محتاجها

محمد : لا خالص انا كنت متفق مع ياسمين اننا هنخرج نتفسح شوية بعد اذنك يخالتو طبعا

منار : طبعا يحبيب خالتو خدو راحتكم بس خلى بالك عليها يامحمد عشان خاطرى

محمد : من غير ماتقولى يخالتى دي فعيني الاتنين

ياسمين خرجت و هي لابسة بنطلون ضيق شوية بس عادى و قميص طويل و كانت جميلة جداا محمد فتح بقة و فضل متنح

ياسمين ب**وف : هتفضل تبص كتير؟

محمد مابيردش

ياسمين : محمد....محمد انت مت؟؟

محمد : انا فى الجنة ولا ايه ؟انت ملاك جاي يحاسبنى؟

ياسمين ب**وف و خدودها احمرت خلتها احلى : مش هنمشى بقى

محمد : يلا ياقمر شكلى هتخانق للصبح النهاردة ههههههه

عايزة اي حاجة يخالتو

منار : دلوقتى افتكرت خالتك مش عمال تبصبص هههههه

محمد : و انا اقدر انساكى يخالتو هو حد هيجيب عسل زي ده غير عسل زية هههه

منار : طب اتفضل يحبيب انت و هي و متتأخروش

محمد و ياسمين : حاضر

و خرج محمد و ياسمين و منار قفلت الباب وراهم .

على الجزيرة.

فى نفس الوقت احمد بدأ تمرين الجري و فضل يجري و هو بيتنفس بغباء و حاسس ان رئتة هتنفجر بس موقفش فضل يجري لحد لما لمح البحيرة و كمل لحد اما اوصل و بعدين وقع جمب المية و هو بينهج

انا : مش قااادر همووت ها..ها..ها متخيلتش انة بالصعوبة بس لازم اكمل مش هوقف هبقى اقوى.....هي دي بقى بحيرة الالهة شكلها بحيرة عادية انا عطشان هشرب شوية

ميل احمد على البحيرة و خد شوية ماية فى ايدة و شرب

انا : ااه المية دي حلوة ودلوقتى معاد التمرين التانى 100ضغط

يلا نبدأ

بدأ احمد التمرين و هو بيموت دراعتة بيت**رو مع كل نزلة و طلعة كتافة بتتحرق كأنها بتطلع نار

انا : مش حاسس بدراعى كتافى بتتحرق بس لازم اكمل و فضل يعمل و عينة بتدمع و مبرق بيجز على سنانة و بعد مخلص فضل ينهج و خد شوية ماية من البحيرة و بعدين كمل التمرين اللى بعدة تمرين البطن برضة بنفس التعب و حس ان ضلوعة بتت**ر و هيرجع بس كمل و بعد ماخلص شرب ماية تانى و بعد ماخلص بدا التمرين اللى بعدة الق*فصاء نفس التعب برضة مابقاش حاسس بركبتة فخدتة هتت**ر بس كمل و بعد ماخلص شرب ماية تانى

انا : اخيرا خلصت مش حاسس بدراعى رجلى ركبتى ضلوعى بطنى ها...ها...ها يلا خلينى ارجع القرية انام شوية و بعدين اشوف باتيستا عشان الشغل بس مش قادر اصدق انى هعمل ده كل يوم لاربع شهور بس لازم اكمل.

رجع احمد القرية كانو على الضهر الساعة 1 لقى القرية كلها مليانة و الناس بتتكلم و تهزر فرح بالمنظر و انهم مرتبطين بالطريقة دي و بيحبو بعض للدرجة دي

احمد راح على الفندق و هو بيجر رجلة لانة مش قادر يمشى و جسمة كأنة حريقة دخل ملقاش ماريتزا مهتمش طلع على اوضتة و دخل الحمام خد دش و نزل لقى ماريتزا بتحط الاكل على الطربيزة قربت بس مااتكلمتش ، خد الطبق بتاعة واكل بعدين خرج و مكلمهاش خالص

وخرج راح على المطعم

شانتي : احمد ازيك؟ اجبلك تاكل؟

انا : شكرا ياشانتى انا عايز اعرف فين بيت باتيستا؟

شانتي : جمب حلبة القتال عايزو ليه؟

انا : عشان هشتغل عندو عشان محتاج فلوس ايه هي حلبة القتال يا شانتي

شانتي : كل تلت شهور قبائل من جزر تانية بتبعت محاربيها عشان نعمل مسابقة القوة وبتكون فى الحلبة

انا : مسابقة القوة ايه دي؟

شانتي : مسابقة القوة بتتعمل كل تلت شهور لو فزت بتختار انك تتجوز اي بنت او ست او راجل من اي قرية انت عايزها حتي لو متجوز/ة وبيبقى زوجك فى اي وقت بس مستحيل حد يفوز على قبيلة جزيرة الغربان لانهم الاقوي رجالتهم اقوياء جدااا دايما بيفوزو و احنا عمرنا ما فزنا

انا : حلو المسابقة دي انا رايح اقابل باتيستا شكرا يا شانتى

شانتي : العفو سلام

انا مشيت ناحية الحلبة لقيتها فاضية هي مكان كبييير واسع اوي واخد شكلى دائرى و رمل عامل زي الاستاد او الكولوسيوم بتاع رومانيا كملت مشي لقيت بيت عادى شبه بيت ماكو خبط على الباب كذة مرة و استنيت شوية الباب اتفتح و خرجتلى واحدة جميلة

قالتلى بصوت جميل : اهلا عايز حاجة؟

انا : انا عايز باتيستا

الست : اهلا انا زوجتة ماريا اتفضل استناه هو زمانة جاي

انا : انا احمد تشرفت بيكي

الست فتحتلى الباب و دخلت لقيتة بيت حلو و متزين بعفش حلو و فيه باب بيتسحب كده بيخرجك على الارض ورا البيت و الارض قدامها الغابة و هي حته كبيرة بس مش اوي شكلها جميل فى وشها شجر وده مخليها اجمل قعدت على الارض قدام طربيزة كده و بعدين لقيت ماريا داخلة بكباية شاي

ماريا : نورت قريتنا

انا : منورة باهلها قريتكم و الجزيرة جمال و هادين و حلوين جدا

ماريا ابتسمت ابتسامة جميلة : جزيرتنا من زمان و اجدادنا هما الى بنو كل حاجة هنا قولى بقى انت عايز باتيستا ليه؟

انا : ماكو كان قايلى ان باتيستا عايز حد يشتغل فى الارض و انا جاي عشان كده

ماريا بزعل شوية : اه هو فعلا محتاج مساعدة الشغل بقى صعب عليه و الارض كبيرة

انا : انا جيت عشان كده اتمنى اقدر اساعد

ماريا ابتسمت : الشغل مش صعب ماتقل....

وهي بتتكلم الباب اتفتح و دخل باتيستا كان راجل كبير فى السن وباين عليه قرب علينا

باتيستا : انت مين؟

انا : انا احمد جيت عشان الشغل فى الارض

باتيستا : اه ماكو قالى عليك انا موافق الارض قدامك اهي هتحرتها و تزرع المحصول و هتيجي كل يوم تسقيها هد*ك فى الساعة 20ج

انا : موافق بس عندي سؤال؟

باتيستا : ايه؟

انا : هو ليه ابنك ميساعدكش فيها؟انا ملاحظ ان كل اللى فى القرية ولادهك بيساعدوهم

ماريا لقيتها زعلت و كانت هتعيط

باتيستا بغضب : ملكش دعوة و متسألش فى حاجة تانى مش تبعك

انا : انا اسف مقصدت.....

باتيستا : اتفضل شوف شغلك

باتيستا شاف الاحصائيات بتاعت احمد :

الاسم : احمد

المستوى : 0

القوة : 0 الرشاقة : 0 الذكاء : 0 القدرة : لا يوجد

باتيستا اتخض من الى شافة بس قال ميفرقش معايا المهم يخلص الشغل ولا اني اشك انو يقدر

انا نزلت الارض و جسمى كلو مت**ر و مش قادر بس كنت محتاج الفلوس وبدأت الشغل و بدأت على الساعة 2 و خلصت حرت و زرع على 7بليل و خرجت و انا منهك و عرقان و تعبان الم التمرين و كمان الشغل دخلت لباتيستا

انا : انا خلصت الشغل و همشى بقى

باتيستا : ماشى بكرة تيجي تسقى ده اجرك

ادانى 100ج خدتهم منو و خرجت مش قادر اجر رجلى

بس قولت : قبل ما اروح الفندق اروح الجبل اتأمل ساعتين ماكو قالى انة بيوصل لدرجات تحكم فى الجسم

مشيت و انا مش قادر وبنهج و بعد نص ساعة طلعت الجبل ملقتش الزعيم ولا البنت الى قابلتنى اول مرة و الشعلة مطفية رحت قاعد فى وسط المعبد و ربعت رجلى و حطيت ايدي فى بعض و ابتديت التأمل

انا : مش حاسس بحاجة ايه الغباء

الزعيم : مش غباء بس انت مابتعرفش تتأمل

انا بصيت ورايا بخضة لقيت الزعيم واقف وبيبتسم بهدوء

انا هديت : طب ازاى اتأمل ؟

الزعيم : التأمل فى المعبد هنا يوصلك لاقصى درجات التحكم فى الجسم بس بتاخد سنين حتى انا بتأمل من اكتر من 40 سنة و موصلتش لحاجة

انا : طب ازاى اتأمل برضو مفهمتش؟

الزعيم : بتحط ايدك فى بعض و تغمض عينيك و وجه وشك للقمر و حس بكل حاجة حس بالارض تحتك حس بالهوا الى بيخبط من كل جانب حس بنور القمر على وشك بيد*ك القوة حس بقوة الشجر اللى فى الارض من سنين

انا عملت ايدي غمضت عينيى بصيت للقمر و حاولت احس زي ماقال بس معرفتش من الالم اللى فى جسمى كل اما اجي اركز بتشغل بالالم

انا : مش عارف هبقى اجرب مرة تانية انا هنزل انام يزعيم تصبح على خير

الزعيم : وانت من اهل الخير

انا نزلت من على الجبل كانت الساعة 9 دخلت الفندق لقيت ماريتزا واقفة مسلمتش عليها ولا كلمتها لقيت طربيزة الاكل خدت طبقى و كلت حته اللحمة من غير ما اكلمها برضة و بعدين كتبت ورقة الاكل بنفس الكلام و طلعت دخلت اوضتى خدت دش و غيرت هدوم التمرين و رقدت على السرير و انا بفكر

انا : يا تري هبقى اقوي بالتمرين ده؟ هقدر اعمل حاجة؟

البطل الاعظم اتدرب قد ايه عشان يوصل لقوتة؟

هقدر اغير نظرة اختي و امي و الناس ليا؟

ايه الغرض من اللى انا بعملة ؟افرض ملوش فايدة و مش هستفاد

متفكرش كده هتوصل التزم بالتمرين وهتبقى اقوى.

فى جزيرة الغربان.

شخص1 : المسابقة هتقوم بعد 3 شهور جزيرة القمر مقدمهمش فرصة ههههههه

شخص2 : احنا اللى هن**ب زي كل سنة بس المرادى هتبقى مختلفة

شخص3 : ليه مختلفة؟فى ايه السنادى؟

شخص4 : عشان الفايز مننا هيطلب بنت زعيم القرية ولما تتجوز بنت زعيم القرية هتتحكم فى القرية و الجزيرة كلها هههههههه

كلهم ضحكو.

وبكدة انتهت الحلقة التالته