للعلاقات وجهين الفصل الخامس
1056 Words
علي مصطفي وبيقول يا منسي حبيبك جيه اول..
ما دخلتي الشارع بان علي ملامحي الاستغراب..
ورفعت حاجبي وقلتلها هو انتي عرفتي ازاي..
قالتلي وهي عامله نفسها بريئه انا كنت واقفه في.
البلكونة وشوفتهم وسمعتهم هزيت راسي..
بالموافقه وانا بقولها اااااه قولتيلي وبصيتلها.
بتركيز وحده وقلتلها طيب وايه المشكله في.
الموضوع يعني قالتلي وهي بتودي وشها شمال..
ويمين عشان تتجنب تبص في عيني لاء انا..
ماقولتش ان في مشكله ضحكت وانا بحاول..
اقوم لاقيتها مسكت ايدي وقعدتني تاني وقالتلي..
بلاش بواخه بقا ماتردي عليا خدتي بالك ولا لاء..
قلتلها وانا بنفخ يووه ياستي سمعت الكلمتين..
دول بس ما اهتمتش يعني ربعت ايديها وهي..
بتقول ياسلااام طيب علي فكره الكلام ده كان...
عليكي بصيتلها وانا بضيق في عيني وقولتلها..
وانتي عرفتي منين بقا ان الكلام ده عليا سكتت..
ولسه هترد سالتها ثم انتي عرفتي منين اساميهم..
يا فاتن ده انتي متابعه بقا وشها جاب الوان وحسيت اني احرجتها لاقيتها بتقولي يا بنتي دول..
ساكنين في الشارع اللي اودامنا وبسمعهم وهما بيندهو علي بعض عادي قلتلها ممم طيب وعرفتي..
منين ان الكلام ده عليا انا قالتلي وهي مبتسمه..
وبتحط ايديها علي رجلي وانا قاعده وبتقرب من وشي ومركزه في عيني مانا شوفتهم وهما عيونهم..
عليكي يا قلبي ههههههه قلتلها والله قالتي وهي..
بتربع ايدها وبتهز كتفها اه ياختي والله ضيقت..
عيني وقلتلها طيب تعالي نعمل تجربه كده انزلي..
هاتيلي برشام صداع من الصيدليه وانا هقف في..
البلكونه ووقفت اودام المرايه فكيت شعري اللي..
كان لغايه نص ضهري طوله تقريبا وباخد المشط..
علشان اسرحه وبصيت ف المرايا ليها وكملت..
وهبص عليهم واشوف مين فيهم بيبصلك طالما..
انتي عارفه مين اللي بيبصلي واما تطلعي هبقا..
اشاورلك عليه ها ايه رأيك قالتلي موافقه وقامت..
اتنطرت من علي السرير وطلعت بنطلون اسود..
وبادي ابيض بكم طويل ولبست الحجاب في اقل..
من تلات دقايق قبل ما الم شعري كانت خلصت..
فتحت الباب ونزلت لبست طرحه علي شعري اي..
كلام وخرجت البلكونه وهما كانو لسه واقفين..
واول ما نزلت فعلا في واحد فيهم عينه مانزلتش..
من عليها لغايه ما وصلت لشارع الصيدليه..
بصراحه كان وسيم عيونه عسلي فاتح ولونه..
قمحي وطويل وجسمه متناسق وعنده عضلات..
هههههه قلت في نفسي حظك شكله هيحلو يا..
فاتن الواد مووز والله ولاقيت واحد تاني رفع..
وشه وبصلي شيلت عيني من عليه وانا من كتر..
**وفي وشي سخن وفضلت باصه علي فاتن..
ولما قربت ..
عيني راحت عليهم تاني لاقيته بكل جرأه لسه..
بيبصلي بصيتله بإستغراب لاقيته بكل بجاحه..
بيبصلي وبيبتسم اندهشت جدا وروحت بصتله..
من فوق لتحت ودخلت من البلكونه لاقيته بعلو صوته.**
طيب ليه كده طااااايب ليه البصه الوحشه دي.
وبما اننا في اول دور بعد الارضي كنت سمعه صوته بكل وضوح.
دخلت بصيت في المرايه وانا مندهشه ومبتسمه وخجلانه في نفس الوقت.
لاقيت وشي احمر حرفيا من ال**وف شيلت الطرحة من علي شعري وفكيته ومشيت ايدي علي شعري وانا سرحانه في الموقف وبفتكره من اوله ولاقيت نفسي من غير ما احس ابتسامتي بتكبر.
ومخدتش بالي من فاتن اللي واقفه بتخبط علي الباب اتفزعت حرفيا من سرحاني وهي بترزع علي الباب جريت فتحتلها.
قالتلي ايه ده كل ده مش سامعه الباب ولا ايه؟ قلتلها معلش.
وانا مخضوضه.
قالتلي هااا قوليلي مين؟
انا عارفه انه عمرو هو اللي معجب بيا.
وكلها ثقه وهي بتتكلم.
قلتلها يا شيخه وجايبه الثقه دي كلها منين بقا.
عملت حركه بإديها كده كأنها بتنفض كتفها وهي بتقول.
عيب عليكي يا ماما اختك ناصحه وبتاخد بالها من الحاجات دي كويس.
رفعت حاجبي اليمين وقلتلها.
والله؟
قالتلي وهي بتشدني عشان نقعد.
لا وكمان هو احيانا بيرمي كلام كده وانا ماشيه ده جريئ اوي.
قلتلها وانا بفتكر الموقف ذاته.
ايوه هما كلهم جريئين اوي تحسيهم ما بيت**فوش.
بصتلي وهي بتضيق عنيها وقالت.
مممم ايه الكلام بقاااا؟
بصيتلها وقلتلها ايه؟
قالتلي ايه اللي حصل؟
قلتلها مفيش وانا ببص عليكي عشان اشوف مين فيهم معجب بيكي او بيتابعك وانتي ماشيه لاقيت واحد فيهم مكنش بيرفع عيونه من عليا بكل جرئه حتي لما انا خدت بالي منه بردو مانزلهاش.
قعدت تضحك هههههههههه مش قولتلك مصطفي واقع لشوشته ياختي هههههههه.
قلتلها اسمه مصطفي مممم.
قالتلي ايوه.
قلتلها بس ده شبه الشاب اللي بيبص عليكي جدا الفرق بس عيونه الخضرا؟
قالتلي: اها ماهو اخوه الكبير وليهم اخ اكبر كمان خاطب ساره اللي ساكنه في البيت اللي جنبيهم.
بصيتلها باستغراب وقلتلها.
هو انتي عرفتي منين كل الكلام ده؟
قالتلي: يا سما يا حبيبه قلبي انا قاعده في البيت وبنزل الشارع اجيب حاجات وبشوفهم وبسمع الكلام اللي الناس بتقوله.
مش زيك يا اما ف المدرسه يا اما ف الشغل يا عند جدتك بتعمليلها حاجه يا بتذاكري انتي مش فاضيه لحد يا قلبي.
انما انا فاضيه لكل حاجه انا مدرستي هنا وحياتي كلها ما خرجتش من منطقتنا مش زيك.
قلتلها وانا بهز راسي: ممم طيب يا ستي انتي كده عامله انجاز يعني تمام يا هانم اومال بتذاكري امتي بقا؟
قالتلي وهي بتقوم وتبعد عني: يووووه يا سما بذاكر يا ستي ويلا تعالي قوليلي مين فيهم؟
* قلتلها وانا ببعد شعري ورا كتفي وبهز كتفي*
وعاوزه تعرفي ليه مش بتقولي انك عارفه هو مين؟
بصتلي بغيظ وقربت مني تاني وقربت وشها من وشي
وقالتلي قومي احسنلك.
بصتلها بعدم اهتمام وقلتلها: تؤتؤ مش هقوم.
بصتلي وهي بتضيق عنيها وقالتلي يعني مش هتقومي؟
بعدت شويه كده لورا وقلتلها: لاااا.
قالتلي وفي عنيها نظره مجنونه:
يبقا انتي الجانيه علي نفسك.
ونطت عليا وفضلت تزغزغني وانا اصوت واضحك بصوت عالي لغايه ما سمعنا محمد بينده من تحت.
قالتلي: يلا بليييييز اهي جت الفرصه هندخل البلكونه بطريقه طبيعيه.
قلتلها: ماشي.
لبسنا الطرح وهي دخلت الاول وانا وراها.
قالت: ايه يا محمد؟
قال محمد: عاوزين حاجه مني انا بلعب مع عاشور في الشارع هنا.
قالتله: لا يا حبيبي لو عوزنا حاجه هننده عليك.
قالها: ماشي وسابنا ومشي.
قلتلها: هو اللي لابس شميز بني وبطلون بيچ ده.
قالتلي: مش قلتلك كنت واثقه.
ضحكنا وببص لاقيت المدعو مصطفي ده بيبصلي تاني خرجت من البلكونه من غير ما اديله اهتمام..
يتبع...
- Writer
