الفصل 6
2995 Words
قلعت حجابي وقعدت علي السرير ودخلت فاتن وقفلت النور وجت جنبي علي السرير ونامت جنبي
وقالتلي: عارفه يا سما بيتهيألي اننا هنرتاح بجد لما نتجوز ويسلام بقا لو اتجوزنا مصطفي وعمرو احنا اتنين اخوات وهما اتنين اخوات احنا شبه بعض وهما كمان شبه بعض ونسكن سوا في نفس البيت نصحي بدري نفطرهم وينزلو علي شغلهم ونروح انا وانتي السوق نجيب حاجه الاكل والفطار واحنا راجعين ونفطر سوا ونحضر الغدا سوا ونفضل مع بعض ومحدش يفرقنا ابدا.
اتدورت ليها ونمت علي جنبي
وقلتلها: ياااه ده حلم جميل اووي ياريته يتحقق مع دول او غيرهم المهم نكون سوا.
لاقيت قلبي وجعني فجأه.
قلتلها: بقولك ايه؟
شكل امك قربت تيجي قلبي وجعني والله هههههه.
قعدت تضحك اوي وقالتلي: ايوه صح الساعه قربت علي انها تيجي.
قلتلها: عاوزه اكلمها ف موضوع النظري ده ازاي هخش امتحن حاجه انا معرفهاش لازم توافق علي فكره ايه وحسناء.
قالتلي وهي حاطه ايدها علي خدها: ايوه صح معاكي حق في دي لازم نقنعها.
لما تيجي نبقا نشوف هنعمل ايه.
وهتعملي ايه مع بنت عمك الرخمه دي؟
قلتلها: مش عارفه؟
بس كده كده هنقل من الفصل.
اولا" عشان ابقا مع البنات في نفس ايامهم.
ثانيا" عشان مابقاش معاها.
اللي فيه الخير يقدمه ربنا بقا.
سمعنا الباب قامت فاتن فتحت الباب لاقيت محمد دخل وقرب مني وقالي: ايه يا قلبي وحشتيني.
قلتله وانا ببوسه من خده: وانت كمان يا عمري ها كتبت الواجب؟
قالي: لسه.
قلتله: ليه طيب؟
قالي: هاكل الاول وبعدين اكتبه ثم كنت مستنيكي تيجي تذاكريلي.
قلتله: اوك يلا هحضرلك الاكل اهو.
قالي: وهو مستغرب مش هتاكلي معايا؟
قلتله: لا مش عايزه اكل انا شبعانه اصلا اكلت قبل ما اجي.
قالي: ماشي.
***
قمت حضرتله الاكل وحطيته علي الارض قعد ياكل هو وفاتن خلصو اكل وعلي ما شالت فاتن الاكل كان محمد جاب الكتب بتاعته وقعدنا كلنا نذاكر وقبل ما نخلص ماما جت فتحتلها الباب خدت شنطتها وقعدت قلعتها الجزمه بتاعتها واخدت طرحتها وهي غيرت هدومها وحضرتلها الاكل اللي كان لسه سخن وقعدت تتعشي وكلنا قعدنا حوليها ***
سألت محمد خلصت واجبك؟
قالها: اه يا ماما.
بصت ل فاتن قالتلها:
وانتي ذاكرتي دروسك؟
قالتلها: ايوه يا ماما.
بصتلي وقالت: وانتي؟
قلتلها: يا ماما انا مش معايا كتب اذاكر فيها ومش باخد نظري عشان اذاكره اصلا انا معرفش المنهج اللي عليا ولا حتي عندي كام ماده.
//// بدايه فصل...
قالتلي: اااه طيب انتي عارفه اني مش هقدر اد*كي دروس ولا مجاميع.
مانتي لو كنتي جبتي مجموع كبير مكنتيش دخلتي عمال تاخدي العملي بس وهي بتعوج شفايفها.
قلتلها: معلش يا ماما حقك عليا بس انتي عارفه من شغل البيت والشغل ومذاكرتي لاخواتي ومسؤليه البيت مكنتش بقدر اذاكر لوقت طويل وكمان مكنتش باخد دروس ف المدرسين مكانوش بيهتمو بيا وديما بيحطوني ف دماغهم.
راحت مزعقه فيا جامد.
هو انتي بتردي عليا كمان؟
قلتلها وانا باصه ف الارض
لا يا ماما.
ما اقصدش والله.
انا بس بحاول اشرحلك.
بس انا عندي حل كويس انا اتعرفت علي بنتين هياخدو دروس في كل المواد وهما هيدوني المراجعات والملازم اللي هياخدوها واللي هيبقا متشفر ما ينفعش يتصور هكتبه بإيدي وكمان هيشرحولي اللي بياخدوه.
رفعت حاجب وقالتلي: وطبعا عاوزه فلوس تصوير ورق ومواصلات كل يوم ومصروف لأكلك مش صح؟
قلتلها: ماهو انا مش هقدر اكتب كل الملازم يا ماما لو هينفع تمام لو مش هينفع خلاص مش مهم اللي تشوفيه.
قالتلي: ماشي يعني عاوزه كام ف اليوم؟
قلتلها: خمسه جنيه او سبعه لو ينفع عشان اكل ع الاقل.
قالتلي وهي مش عاجبها الكلام اصلا:
طيب طيب هشوف واقولك.
بس مش الاسبوع ده خليها الاسبوع اللي جاى انتي روحي يوم الاربع بس ونبقا نشوف وانا هاجيلك يومها واشوف الدنيا فيها ايه.
قلتلها: ماشي.
**
قمت شيلت الاكل ونضفت الاطباق و دخلت اوضتي عشان انام مع اخواتي تاني يوم الساعه 11 الضهر التليفون رن روحت رفعت السماعه **
الوو
لاقيت بنت بتقول الو ممكن اكلم سما؟
قلتلها: انا سما مين معايا.؟
قالتلي: انا ايه يا سما وهنزل من البيت دلوقتي اهو ها هتنزلي بعد اد ايه؟
مش عايزه اقفلك في الشارع كتير؟
قولتلها وكلي حزن: معلش يا توتا انا مش هحضر النهارده ولا الاسبوع ده كله اصلا عشان ماما قالت اروح يوم الاربع بس لغايه ما هي تيجي يوم الاربع ونشوف ساعتها هنعمل ايه شوفتي يا ايه مش قولتلك مش هترضي.
قالتلي وهي بتحاول تراضيني: عادي يا سما مش مشكله لما مامتك تيجي يوم الاربع انا هقنعها ما تقلقيش اتفقنا.
قلتلها: اتفقنا.
قالت: طيب لازم اقفل عشان انزل مش عاوزه اتأخر علي حسناء احنا هنتقابل هنا عند بيتي ونروح المدرسه سوا اوك.
قلتلها: اوك باي يا قلبي.
قالت: باي.
**
وقفلت وابتديت يومي المعتاد من ترويق وطبيخ الغدا وبعدين جم اخواتي علي الساعه 12 ونص بعد الضهر وعدي اليوم طبيعي لغايه الساعه ما جت 6 لاقيت فاتن بتنده عليا من الاوضه التانيه سمااا روحتلها
**
ايه يا فاتن نعم عاوزه ايه.
قالتلي: بصي الشله ابتدت تتجمع اهيه بس متأخرين النهارده.
ابتسمتلها وقلتلها: طيب وبتندهيلي ليه؟
فكك مني انا مرهقه وعاوزه افرد جسمي علي السرير شويه.
شدتني من ايدي وقالتلي: لا والنبي الجو حلو اووي في البلكونه خلينا واقفين شويه.
قلتلها: يا ستي ماشي.
فضلنا نتف*ج علي اللي رايح واللي جاي وفجأه لاقيت اللي اسمه عمرو ده عدي الطريق ووقف تحت البلكونه وبص ل فاتن وقالها ممكن تشربيني لو سمحتي؟
انا اندهشت من جرئته جدا ببص ل فاتن لاقيتها بتضحك وبتقوله: طيب ما تروح تشرب من بيتكم؟
قالها: بيتي في اخر الشارع مش يمكن اموت من العطش قبل ما اروح يرضيكي اموت من العطش؟
* سندت علي سور البلكونه وحطيت ايدي علي خدي وقعدت اتف*ج وانا بقول *
يا حلاوتكو انتو الاتنين كده في الشارع عادي؟
دانتو قادرين والله ههههه.
لاقيتها بتقوله: لا ما يهونش عليا.
ودخلت جوا دخلت وراها
قلتلها: جرا ايه يا فاتن ما ينفعش اللي انتي بتعمليه ده خالص عارفه لو ماما عرفت هتعمل فيكي ايه؟
قالتلي: وهي هتعرف منين بس يا سما؟
اتنرفزت من برودها وقلتلها: علي اساس اننا ساكنين لوحدنا ف الشارع مثلا ممكن اي حد يقولها.
قالتلي: بصي ماتخافيش اوعي بقا سيبيني اروح اديله الازازه.
وسابتني وخرجت البلكونة حدفتله الازازه
قالها: تسلم ايد القمر.
**
راح بالميه كلهم شربو ورجع حدف ليها الازازه وقفو كلهم يتكلمو ويضحكو وانا واقفه ورا الشباك بتف*ج عليهم وفجأه لاقيت التليفون بيرن
**
رفعت سماعه الفون وقلت: الو.
لاقيته بابا بيقولي: الو ازيك يا سما عامله ايه يا حبيبتي؟
وحشتيني اووي.
قولتله وانا عيوني بتدمع: انا الحمدلله يا بابا وانت كمان وحشتني اووي والله.
انت عامل ايه؟
قالي: انا كويس.
قلتله: مش هشوفك قريب بقا؟
قالي: يا حببتي يوم الجمعه اللي الجايه اركبي انتي واخواتك للجيزه واركبي من هناك عربيه العمرانيه وانزلي الاخر واسألي علي شارع عمار ابن ياسر بيت رقم 25 الدور التالت ده عنوان عمك بهاء وتعالو نقضي اليوم كله مع بعض قولي ل ماما لما تيجي وانا هتصل بيها اقولها عشان ترضي ماشي حبيبتي.
قلتله: حاضر يا بابا.
قالي: مع السلامه.
قلتله: مع السلامه يابابا.
وندهت علي فاتن جت قالتلي ايه؟
في ايه؟
شدتها من ايدها وقعدتها وقلتلها علي اللي حصل في المكالمه فرحت اوي وقالتلي: احنا لازم نقنع ماما.
قلتلها: لما تيجي بس.
روحت تلقائيا علي الشباك وندهت علي محمد يا محمد يا محمد خرج من الشارع اللي بيلعب فيه مع صاحبه عاشور كالعاده وقالي نعم يا سما عاوزه حاجه؟
قلتله: ايوه اطلع.
قالي وهو بيستصعب عليا: طيب سيبيني شويه كمان عشان خاطري؟.
قلتله: لا اطلع دلوقتي حالا انا عوزاك ضروري.
قال: حاااضر.
وطلع وقلتله: اننا هنروح نقابل بابا يوم الجمعه وهنقعد معاه اليوم كله وهنشوف عمو بهاء كمان.
فرح وفضل يتنطط من الفرحه وقالي: بجد والله؟
قلتله: اه والله.
قالي: ماشي انا هنزل اكمل لعب مع صاحبي وساعه كده وهطلع.
قلتله: ماشي.
**
نزل وهو بيتنطط علي السلم من الفرحة وانا وفاتن دخلنا اوضتنا ونمنا علي السرير وفضلنا نتخيل لما هنشوف بابا هنعمل ايه معاه او هو هيعمل ايه معانا ونمنا من غير ما نحس لغايه ما صحيت علي صوت ماما وهي بتزعق
*"
هي ليه الازازه دي من غير غطا وليه نور الصاله مفتوح واخوكي فين يا هانم؟
قلتلها: تحت بيلعب مع عاشور وانا نمت غصب عني هنده عليه حالا اهو.
جريت علي البلكونه ندهت عليه وقال طالع اهو.
دخلت وقولتلها: هو طالع اهو احضرلك العشا؟
قالتلي: ايوه.
*
غيرت هدومها وحضرتلها الاكل وجت قعدت وابتدت تاكل وبعد ما خلصت كان محمد طلع وانا خليته يغير هدومه ويغسل وشه ورجله وايده كالعاده*
وبعدين روحت قولتلها: بابا اتصل النهارده يا ماما.
بصتلي بستغراب وقالتلي بلا مبالاه: اتصل ليه؟
قولتلها وانا بتلخبط ف الكلام اصله كان عاوز يشوفنا يوم الجمعه.
قالتلي وهي بتم**ص شفايفها: والله وهيشوفكو فيين بقا؟
قلتلها: عند عمو بهاء.
بصتلي بغضب وقالتلي: وهو انتي تعرفي تروحي هناك؟
قولتلها وانا خايفه: هو قالي علي العنوان.
قالتلي: ومكلمنيش ليه؟
قلتلها: قال هيتصل بيكي تاني عشان يقولك.
قالتلي: خلاص لما يبقا يتصل بيا نبقا نشوف ويلا روحي انتي نامى عشان المدرسه بكره.
قلتلها: بس بكره التلات؟
قالتلي: اه ماشي روحي نامى بردو.
قلتلها: حاضر يا ماما تصبحي على خير.
وسيبتها ودخلت لاقيت فاتن صاحيه
قلتلها: ولما انتي صاحيه ماجيتيش ليه تساعديني في كلامي معاها؟
دانتي واطيه والله.
قالتلي: واقوم ليه اولا انتي قمتي بالواجب تمام، ثانيا انتي الكبيره يا قلبي ههههه.
ض*بتها بالمخده وقلتلها: انا بكره كلمه انتي الكبيره دي ارحمي امي بقا يلا اتخمدي.
**
وخدت المخده حطيتها علي دماغي ونمت وانا بفكر في اللي هيحصل يوم ما اقا**ه وهقوله ايه وهيرد عليا يقولي ايه ويدافع عن نفسه ازاي اودامي روحت في النوم من كتر التفكير في الموضوع وتاني يوم عدي عادي مفيهوش احداث مهمه يعني ويوم الاربع قمت علي تليفون البيت بيرن
**
رديت لاقيت ايه بتقول: هااااا جايه ولا ايه؟ قلتلها: يا ستي جايه هنتقابل في نفس المكان اللي اتفقنا عليه.
قالت: اوك يلا انا هنزل اهو.
قولتلها:اوك.
وقفلت
*
قمت وكويت قميصي وحضرت شنطتي ولبست ونزلت روحت عند جاد ووقفت خمس دقايق ولاقيت ايه وحسناء جايين عليا وبعد السلامات والاحضان ركبنا الميكروباص ووصلنا عند المدرسه مكانش لسه الباب اتفتح وقفنا وسط حشود البنات نتف*ج علي اللي بيتكلمو واللي بيلعبو ولاقيت ايه سألتني
*
ها عملتي ايه مع مامتك وافقت؟
قلتلها: لسه قالت هتيجي النهارده.
* قلتها وانا متضايقه *
لاقيت حسناء قالتلي: مالك.
قولتلها: لا مفيش.
ايه قالتلي: لا في مالك؟
قولتلها: بصراحه مش بحب ماما تجيلي المدرسه.
ايه قالتلي: ليه؟
قولتلها: عشان هي مش بيبقا شكلها حلو ديما مبهدله وهدومها متربه ومش بتهتم بشكلها المفروض انها تعمل كده حتي عشان شكلي اودام صحابي يبقا كويس وخصوصا ان بنت عمي معايا في نفس الفصل واكيد هتقول لمامتها علي شكل ماما لما تيجي وانا مش عايزة شكلها يبقي وحش اودام حد.
ضحكت ايه وقالتلي: ولا يهمك عادي اصلا مش هتعرفي تغيريها طالما هي متعوده على كده وفكي بقا.
قلتلها: اوك تمام مفيش حاجه انا تمام.
***
دخلنا المدرسه ووصلوني لغايه فصلي ولما دخلت دورت بعيني علي وسام لاقيتها مش موجوده قعدت مكاني وعدي اليوم عادي لغايه ما ماما شرفت و كالعاده مش مهتمه بنفسها ولبسها مبهدل وشايله شنط كتير اللي مقطوعه واللي رابطاها بحبل دخلت وسألت المس علي المواعيد بالظبط وبعدين استأذنت انها تخرجني من الفصل
**
وقالتلي: هروح اجيبلك كتب مستعمله اصل الكتب غاليه.
قلتلها: مالوش لازمه لو خليتيني اعمل زي ما قولتلك.
قالتلي: ماشي خوديني اقابل صحابك دول.
قلتلها: هما مش في الدور ده لانهم مش معايا في نفس القسم اصلا.
قالتلي وهي مستغربه: اومال ازاي هتاخدي نفس دروسهم؟
قلتلها: العملي بس اللي دروسه مختلفه انما النظري نفس المواد عادي ولو مش مصدقه اسألي المس بس ما تشرحيلهاش الموضوع عشان ما تعاقبش البنات.
***
طلعت مع ماما علي فصولهم ملاقيتهموش وبعدين افتكرت ان ايامهم مختلفه ف العملي
***
قلتلها: هما اكيد ف المبني التاني بياخدو النظر ي ده مبني العملي بس.
*
نزلنا روحنا علي المبني التاني وشفناهم انتظرناهم يخلصو الحصه
*
وبعدين خرجو سلمو علي ماما وهي سألتهم هتعملو ايه يا بنات؟
قالتلها حسناء: ما تقلقيش يا طنط عليها معانا احنا هنساعدها وهنحاول نشرح ليها كل حاجه احنا بناخودها.
*
شكل ماما كان متطمن وهي بتكلمهم وحسيت انها هتوافق مسكت الملزمه من ايد أيه وبصت فيها و عدتهم كام صفحه و قالتلها: تمام هخليها تيجي كل يوم.
فرحو اوي وقالولها: شكرا علي ثقتك يا طنط واحنا مش هنخذلك وسما كمان واضح انها مجتهده ومش هتتعبنا معاها.
قالتلهم: ماشي يا بنات اسيبكو تكملو دراستكم وانتي يا سما يلا اطلعي فصلك انا همشي.
قولتلها: حاضر يا ماما بس تعالي اوصلك للباب.
وصلتها وخرجت من الباب وروحت للبنات وقلتلهم وانا فرحانه
انا مش مصدقه انها اقتنعت والله انا مبسوطه اوي.
لاقيت جرس الفسحه ض*ب وكل البنات خرجو من الفصول
قلتلهم: هطلع اجيب شنطتي.
قالولي: اوك.
طلعت جبت الشنطه ونزلت بسرعه وقعدنا مع بعض
ولاقيت حسناء بتقولي: وبنت عمك كان رد فعلها ايه؟
قولتلها: لا هي اصلا مجاتش النهارده.
**
اتمشينا للكانتين وجبنا شيبسي لغايه ما ناكول واحنا مروحين وبعدين لاقينا دوشه جامده اوي جايه من البيوت اللي ورا المدرسه طلعنا احنا وبنات تانيه كتير نشوف في ايه لاقينا خناقه وناس بتزعق مع بعض من البلكونات وقفنا نتف*ج علي اللي بيحصل زي باقي البنات نحاول نعرف الخناقه دي سببها ايه من الكلام اللي بيتقال ما فهمناش لغايه ما خلص وقت الفسحه ومشيو
ايه وحسناء علشان يحضرو باقي الحصص اللي عليهم وانا فضلت واقفه لغايه ما زحمه السلم دي تخف شويه
وفجأه لاقيت شاب من الناس اللي كانو بيتخانقو مع بعض اللي ف البلكونة اللي تحت مسك جرنال كامل برمه لغايه ما بقا زي العصايه وولع فيه ووقف علي سور البلكونه وراح مولع في غسيل الناس اللي فوقهم اللي كانت معاهم المشكله ودخل من البلكونه بسرعه..
انا اتصدمت بس ما سكتتش فضلت انده علي المحل اللي كان قريب من بيتهم وازعق وانده لغايه ما صوتي اتنبح الراجل اخيرا انتبهلي..
قلتله: الغسيل بتاع الناس بيولع ارجوك بلغهم بسرعه.
جري الراجل وبلغهم ولاقيت الناس خرجو يحاولو يطفو الحريق واضح ان الغسيل كان ناشف علي الحبل عشان كده ولع كله تقريبا والنار عليت اوي ندهت علي شاب واقف.
قلتله: بمقص وقصو الحبال خليهم يقعو ف الشارع وشيلو العربيه دي بسرعه.
وفعلا طلع بسرعه وقالهم يعملو كده والحمد لله عدت علي خير سيبتهم وجريت علي فصلي وانا بترعش من اللي شوفته واللي كان ممكن يحصل لولا ستر ربنا الحمدلله ربنا سترها شويه وسمعنا دوشه في حوش المدرسه خرجت المس لاقت ناس كتير عاوزين يعرفو البنت اللي شافت اللي حصل من الاول...
واحده اسمها رانيا ربنا يسامحها قالت للمس اني انا اللي شوفت ونبهت الناس..
قالتلي: ليه ما قولتيش؟
قولتلها وانا بترعش: يا مس انا ماعملتش حاجه. قالتلي: يا حببتي متخافيش انتي عملتي خير تعالي معايا.
وخدتني من ايدي ونزلنا الحوش وراحت بيا عند المدير...
وقالتله: استاذ سلامه دي البنت اللي بتسألو عليها.
قالي: تعالي يا حبيبتي اسمك ايه؟
قولتله: سما يا مستر.
قالي: تعالي معايا المكتب.
دخلنا المكتب انا وهو وحوالي سبع افراد منهم ستات ومنهم رجاله ومنهم شباب ولاقيت الراجل بتاع السوبر ماركت ده قال ايوه هي دي البنت...
قالي استاذ سلامه: اتفضلي يا سما اقعدي مالك خايفه ليه؟
ضحكت مس رضا وقالتله: هي خايفه لا تكون عملت حاجه غلط يا مستر.
ضحك وقالي: ما تخافيش انتي ربنا جعلك سبب عشان تنقذي الناس دي.
عارفه ان كان في انبوبه غاز في البلكونة لو كانت وصلتلها النار كان ايه اللي ممكن يحصل ساعتها؟
هزيت راسي بالنفي اني معرفش
قالي: مكانتش هتبقا نهايه كويسه الحمدلله.
لاقيت واحد من اللي كانو واقفين سألني.
قوليلي يا حببتي؟
انتبهتله.
قالي: انتي شوفتي مين اللي عمل كده؟
هزيت راسي بالنفي...
واحده ست كبيره جت وقعدت جنبي وقالتلي: ماتخافيش يا حببتي قولي هو مين ومحدش هيعملك حاجه ولا يقرب منك.
قولتلها: يا طنط انا ما شوفتش كل اللي شوفته النار اللي كانت مولعه قعدت انده علي اي حد عشان يلحقها بس ماعرفش حاجه تانيه.
قالتلي: ماشي يا حببتي عموما انتي عارفه البيت مش كده ابقي تعالي لو لاقيتي نفسك عاوزه تتكلمي.
هزيت راسي حاضر...
قالي مستر سلامه: خلاص يا سما تقدري تروحي علي فصلك.
قولتله: حاضر يا مستر.
استأذتت وخرجت طلعت فصلي وبعد ساعه جيه وقت المرواح خدت شنطتي وخرجت من الفصل وقابلت البنات وواحنا ماشيين حكيتلهم علي اللي حصل كله...
استغربت حسناء وسألتني: ليه ما قولتيش علي اللي شوفتيه؟
ايه قالتلها: خافت صح يا سما؟
قولتلها: ايوه انا فعلا خوفت اوي ومش عارفه ليه..
ثم خلاص الموضوع اتحل ومحدش اتأذي ابلغ عنه ليه؟
وافرضي بلغتهم مين عمل كده وهو عرف.
انا ايه يضمنلي انه ما يتعرضليش بعد كده؟
ده شكله بلطجي ومش كويس وانا مش عاوزه احط نفسي في موقف وحش مع حد المهم انها اتحلت..
قالولي: طيب اهدي شويه ها هتاكي ايه بقا؟
هتيجي نروح الخديوي؟
قلتلهم: لا انا حاسه اني تعبانه اووي ومحتاجه استريح خلوها الاسبوع الجاي انا حتي مش هنزل بكره.
قالولي: اوك هنسيبك علي راحتك اوي وانتي حره يا ستي تعالي نركبك..
***
وركبت الباص وروحت والشله اياها واقفه تحت اول ما دخلت الشارع لاقيت مصطفي ده بيبصلي اوي طلعت علي فوق علي طول ويا دوب دخلت بنده علي فاتن لاقيتها مش موجوده ولا محمد كمان رميت الشنطه و قلعت الطرحه لاقيت الباب بيخبط قلت في عقلي دي اكيد فاتن يمكن كانت بتجيب حاجه من تحت الباب خبط تاني قلت طيب حاضر جايه روحت فتحت الباب وكانت الصدمه لاقيته مصطفي اللي واقف علي الباب من الصدمه بدل ما اقوله انت عاوز ايه قولتله انت عاوز مين..
يتبع...
- Writer
