انا مش فاهمه قالي باباكي جيه وحكالي علي..
اللي مستر محمد عمله معاكي امبارح وانا هعاقبه..
ومش هتتكرر تاني يا سما المهم انتي ماتزعليش..
هزيت راسي بالموافقه وقلتله حاضر يا مستر وانا..
مندهشه بابا جالي المدرسه طيب هو فين ليه ما..
قاليش انه جاي ليه ما انتظرنيش اما انزل حتي..
اشوفه قالي استاذ عزيز يلا حببتي اطلعي فصلك..
قلتله حاضر استأءذنت ومشيت وشعوري في..
الحقيقه اني فرحانه اوي ان بابا جالي المدرسه..
وجابلي حقي وحرفيا كنت بتنطط من الفرحه..
لغايه ما وصلت الفصل وخبطت ودخلت سألتني..
مس سلوي وكلها فضول تعرف في ايه حكيتلها..
علي اللي حصل امبارح واللي قاله استاذ عزيز..
هزت راسها وقالتلي طيب اتفضلي اقعدي فوقت..
من شرودي وقلت لنفسي طيب ده فعلا بابا..
جابلي حقي مره قبل كده طيب لما هو كده ليه..
سايبنا لماما تعاملناا بالقسوه دي وهو ساكت..
ومخدش موقف ابدا وكأني برد علي نفسي لا يا.
سما متقوليش كده انتي مش فاكره لما مره..
حرقت جسم فاتن من كل اتجاه وحرقت رجلك..
وعرفتي تهربي ع المدرسه بعدها بكام يوم كده..
هو جيه البيت وهو بيهزر مع فاتن وبيض*بها علي...
دراعها وهي صوتت وقالتله والنبي يا بابا دراعي..
واجعني وهو اتخض وسألها من ايه ف هي..
حكتله ورفعت كم البادي وورته دراعها واللي تقدر..
توريهوله من جسمها ونده عليكي وهو في قمه..
عصبيته وقعدك وسألك فين مكان حرقك انتي..
كمان كان اد ايه زعلان ولما جت ماما اتخانق..
معاها خناقه كبيره ولأول مره يمد ايده عليها..
ويض*بها بالقلم وكانو هيتطلقو ايوه صحيح لما..
هما معظم الوقت مش عايشين مع بعض ومش..
متفقين ليه مش بيتطلقو انا لازم اتكلم معاه انا ما..
بقتش صغيره عشان لما اجي اتكلم يقولولي لما..
تكبري هنبقا نفهمك فوقت من شرودي تاني ولما..
فوقت ببص علي مكان وسام لاقيتها مش..
موجوده ولاقيت معظم البنات كمان برا الفصل..
وباب المدرسه اتفتح شكلنا هنروح بدري ولا ايه..
اخدت شنطتي وخرجت برا الفصل وصلت عند..
السلم وانا عيني بتدور علي وسام عشان اديلها..
الرقم بس مش لقياها لاقيت ايه ورغده وحسناء..
نازلين بيضحكو وبيشدوني وحسناء بتحط ايدها..
ف ايدي وبتقولي يلا عشان نمشي خرجنا من..
المدرسه وطلعنا علي الشارع برا وبقولهم يلا..
هنركب ايه قالت ايه لا مش هنركب هنتمشي..
لغايه الجيزه قلتلها بس الطريق طويل للجيزه..
قالتلي وهي بتزقني من ضهري عشان امشي يا..
ستي ولا طويل ولا حاجه يلا باااااس مشيت وانا..
بضحك لاقيت رغده بتبصلي وبتقول وهي عنيها..
رايحه جايه علينا كلنا مش واخدين بالكو من..
حاجه يا بنات قلتلها زي ايه كده مثلا جت وقفت..
اودامنا ووقف*نا وقالت وهي بتضحك احنا شله..
بنات من كل شكل ولون ضحكت حسناء وقالت..
معاكي حق انا مثلا سمرا ومش محجبه ورفيعه..
كمان ضحكت ايه وقالتلها ايوه يعني فيكي كل..
العبر ههههههه كلنا ضحكنا مع بعض وردت أيه..
وانا قمحاويه ومحجبه وتخينه وقصيره وعامله..
زي الدبدوبه هههههه قالت رغده وانتي يا سما..
بيضا وجسمك حلو ومحجبه واطول واحده فينا..
قلتلها الله يعزك حببتي بس انتي احلي واحده..
فينا محجبه و عيونك الخضرا وقمحاويه ورفيعه..
اكتر من حسناء هههههه قالت رغده وهي..
بتضحك واقصر واحده فيكو كمان ههههه قلتها..
ايوه صح احنا شله بنات غريبه اوي فينا من كل..
شكل ولون ردت ايه بس انتي كمان عينك حلوه...
يا سما انتي عيونك عسلي وجامدين والله بس لو..
تحطي كحل في عيونك هتبقي مزه اكتر قالت..
حسناء ها انا جعانه هتاكلو ايه رغده قالت تعالو..
نجيب اي حاجه من السوبر ماركت باتيه اوي.
شيبسي لغايه مانروح ردت حسناء وهي مش..
عاجبها الكلام باااتيه لا طبعا بقولك جعانه يا..
شيخه حرام عليكي ردت ايه وهي متحمسه..
بقولكو ايه ما تيجو نروح ناكل كشري عند..
الخديوي قلتلها فين ده قالت في ميدان الجيزه..
يلا بس نروح انا عارفه المكان فين رغده قالتلها..
هو ده غالي اتلمي انا ممعاييش فلوس كتير اوعي..
تفضحينا ضحكت وقالتلها ماتخافيش انا معايا..
ولو اتزنقتي هسلفك ههههه وصلنا عند باب المحل..
وانا بصراحه مكانش معايا غير خمسه جنيه..
وكمان هروح لغايه البيت لسه صراحه المحل كان..
شكله فخم اوي عمري ما دخلت محل اكل عموما..
كده اه كنت بروح وانا شغاله عند الناس بس كنت..
بروح علي اني الشغاله او الداده للولد اول مره..
هدخل محل مع اصحابي دخلنا واخترنا مكان..
حلو قعدنا فيه وطلبنا الاكل وكنا بناكل وبنضحك.
وانا جبت علي قد فلوسي بصراحه عشان..
ماتحرجش خلصنا اكل واتفقنا نتقابل عند محل جاد عشان نروح المدرسه سوا وهنتقابل هنا..
الساعه 11 بالظبط ومحدش يتأخر الوحيده اللي..
كان معاها موبايل هي ايه اخدت رقمها ورقم..
البيت وكلنا اتبادلنا ارقام بعض بس طبعا رغده..
مش هتيجي بكره عشان هي مش بتيجي غير..
العملي بس قلت ل ايه وحسناء وانا هكلم ماما ف..
الكلام اللي اتفقنا عليه واتصل عليكو بالليل..
واقولكو علي اللي حصل تمام تمام متفقين سلمنا..
علي بعض ومشينا انا ورغده من طريق وحسناء..
وايه من طريق ركبنا انا ورغده المايكروباص..
وقلتلها تحاةل تقنع مامتها انها تيجي تحضر..
نظري قالت مش هترضي انا عارفه ماما كويس..
بس هحاول ونزلت عند شارعها وانا كملت..
ووصلت عند البيت اودام البيت الناحيه التانيه..
شارع فرعي كده كان واقف عنده شله شباب..
صوتهم عالي اوي اوي بيضحكو ويهزرو مع بعض..
ولاقيت واحد بيقول بصوت عالي حبيبك جييه..
يامنسي الحق يسطا دخلت البيت وماهتمتش...
باللي سمعته طلعت شقتنا وخبطت علي الباب..
فتحت فاتن وقالتلي هااا وهي متحمسه في..
كلامها عملتي ايه ف اول يوم مدرسه بعيده عن..
البيت اتعرفتي علي اصحاب ولا لا قلتلها طيب.
اقعد الاول واغير هدومي ونتكلم بان علي..
ملامحها الزعل وقالتلي خلاص مش عايزه اعرف..
فاحت الدولاب وطلعت التريننج اللي هلبسه وانا..
بحكي وهي جت قعدت علي السرير ومسكت..
مخده في حضنها حكيتلها علي اليوم كله من..
اوله ببص في وشها لاقيتها حزينه قالتلي يعني..
ماعرفتيش تديها الرقم قلتلها ما تقلقيش يوم..
الاربع هديهولها قالتلي وليه مش بكره قلتلها..
عشان بكره نظري ومش عارفه هشوفها اصلا ولا..
لاء ده لو امك رضيت تنزلني اصلا يلا خلينا نعمل..
حاجه للأكل عشان ماتجيش تزعق وتض*ب فينا..
كالعاده قالتلي لا في مكرونه من امبارح فكك..
شدتني وقعدتني ع السرير وقالتلي خلينا ف..
المهم بقا انتبهت لكلامها وبصيت لها وانا بضييق..
في عيني كده وقولتلها مم مهم ايه ياست اللي..
بتقولي عليه بقا قالتلي وهي كلها شغف وحماس..
في نفس الوقت خدتي بالك من عمرو وهو بينده..
يتبع...