الفصل 7
2994 Words
.
قولتله: انت ايه؟
قصدي انت مين؟
عاوز مين؟
قالي وهو مبتسم: شكلك ب*عرك حلو وبالحجاب حلو بردو طيب اعمل فيكي ايه؟
حطيت ايدي علي راسي لاقيتني مش لابسه الطرحه طبعا مانا كنت فاكره فاتن اللي بتخبط وفتحت زي الهبله جريت مديت ايدي خدت طرحه رميتها علي شعري بسرعه لاقيته دخل دماغه من الباب بيراقبني...
قلتله بعصبيه وبصوت واطي في نفس الوقت عشان الجيران ما يفتحوش الباب يشوفو الوضع ده....
انت مجنون؟
انت عاوز ايه؟
قالي: شعرك حلو اوي يا سوما.
قلتله: سوما؟ انت قصدك اكيد حد تاني.
قالي: لا انا قصدي انتي مش حد تاني.
قلتله وانا برفع حاجبي: بس انا ما اسميش سوما. قالي: عارف يا سما بس بدلعك.
قولتله بعصبيه وانا بنفخ: انت عاوز ايه بالضبط؟ قالي: انا اسمي مصطفي وعاوزه اتكلم معاكي شويه.
قلتله: تتكلم معايا في ايه؟ وفين؟
قالي: هنا ولو عاوزه تدخليني جوا انا معنديش مانع.
قالها وهو بيلعب حواجبه بطريقه غريبه..
قولتله: انت اكيد مجنون.
قالي: اه انا مجنون فعلا بس بيكي انتي.
ها قولتي ايه؟
هتقابليني نتكلم؟
ولا انزل الشارع انده عليكي واقولك اودام الناس كلها اني عاوز اتعرف عليكي وعاوز اتكلم معاكي؟
قولتله: لو سمحت انزل انت كده هتعملي مشكله كبيره انا مش قدها.
قالي: خلاص اخد منك وعد انك تقابليني.
قولتله: طيب انزل وبعدين نتكلم انزل لو سمحت.
قالي: ماشي هنزل بس هنتقابل وانا هعرف ازاي اخليكي تقابليني.
قولتله: طيب بس انزل من فضلك.
وقفلت الباب علي طول لاقيت الباب خبط فتحت لاقيته هو تاني...
وبيقولي: ها فكرتي هنتقابل فين؟
قولتله: انت مجنون لو ما نزلتش هنده علي الجيران دلوقتي.
ولسه هنده حط ايده علي شفايفي ض*بته علي ايده شالها وبصلي بصه غريبه وقالي: شرسه اوي.
بس موزه.
قالها وهو بيغمز بعينه وباس ايده مكان ما كان حاطتها علي شفايفي...
وقالي: هشوفك تاني اكيد.
وراح غمزلي بعينه ونزل قفلت الباب وماقدرتش اتمالك نفسي وقعدت علي الارض ورا الباب....
شويه ولاقيت فاتن جت..
سألتها كنتي فين؟
قالتلي: انها كانت بتودي حاجات لجدتي زي ما امي طلبت منها.
شافت وشي شاحب...
قالتلي: مالك؟
توهت في الكلام وحكيتلها علي اللي حصل في المدرسه...
قالتلي: كويس انك ما قولتيش حاجه احسن الولد ده يتعرضلك في الطريق كويس انك فكرتي كده اصلا..
قلتلها: انا تعبانه وعاوزه انام.
قالتلي: طيب اندهي علي اخوكي اللي حياته كلها في الشارع ده قبل امك ما تيجي.
قولتلها: ايوه صح دي جاتلي المدرسه وقالت انها هتروح وكان معاها حاجات كتير اوي.
قالتلي: ماهي دي الحاجه اللي روحت ودتها لجدتك وهي رجعت الشغل تاني زمانها جايه. قولتلها: هي هتفضل شغاله شغلانتين كده لغايه امتي؟
ترجع من واحده علي التانيه.
احنا مش بنشوفها ولا هي بتقعد ف البيت.
وده غلط علينا احنا طول الوقت لوحدينا.
قالتلي وهي مستغربه من كلامي: جرا ايه يا سما؟
هو ايه الجديد؟
ماهي طول عمرها كده طول مانتي في المدرسه. وبتقعد من الشغل التاني لما انتي بتنزلي شغل.
روحت قعدت علي السرير وقولت في عقلي بس الوضع اتغير احنا كبرنا واللي يخلي الشاب ده يجيله الجرئه انه يطلع هنا انه عارف اننا لوحدينا ف البيت والوضع كده خطير مش زي الاول كنا عيال..
فوقت من شرودي وفاتن بتهزني...
انتي سرحانه في ايه؟
قولتلها: ايه؟
قالتلي: انتي مش طبيعيه النهارده.
بقولك ايه الجديد؟ ماهي كده طول عمرها.
قولتلها: عندك حق.
قالتلي: طيب يلا اندهي علي اخوكي علي ما احضر الاكل بقا.
قولتلها: طيب ما تندهي عليه انتي حتي تشوفي حبيب القلب.
قولتها وانا بضحك عليها..
بصلتي بغيظ وقالتلي: لا ماهو مش تحت.
انا لسه جايه ومكنش واقف.
يلا بطلي رخامه وروحي اندهيله.
قولتلها: مااااشي.
*"
حطيت الطرحه وخرجت البلكونة عشان اندهله اول ما قولت يا محماااد لاقيت مصطفي راح ساب اللي كان واقف معاهم وقعد علي حجر في الشارع وقعد يبصلي وكأنه داخ وبقا يبصلي ويبتسم ويحط ايده علي وشه وينزل دماغه في الارض ويرجع يرفعها ويبصلي وهو حاطت ايده علي خده ومتنحلي حرفيا..
جيه محمد وقولتله: اطلع عوزاك.
ودخلت ورزعت الباب ورايا سمعته وهو بيعلي صوته عشان يسمعني...
والله عرفت انك شرسه بس موزه بردو ها سمعاني...
ضحكت اوي ورميت نفسي علي السرير...
جت فاتن قالتلي: مش هتاكلي؟
قولتلها: لا مش قادره انا هنام.
جيه محمد قالي: مالك يا قلبي؟
قولتله: مفيش حاجه حبيبي انا بس مرهقه وهنام سيبوني بقا تصبحو علي خير..
قالي لاء يا سما احكيلي حكايه زي زمان بقالك
كتير اوي ما حكيتيش حكايه ليا
قالت سما.. طيب صلي علي النبي
قال محمد عليه الصلاه و السلام
ملك من ملوك زمان..
اسمه الملك سلمان.. و كان عنده جاه و مال
و مملكه كبيره جدا و سلطان و كان عنده وزير
اسمه صفوان..
جت ليله علي الملك سلمان و كان طهقان و زهقان
مكانش قادر ينام و كان قاعد بيفكر
امر الحراس انهم يندهو علي الوزير
استعجب الوزير صفوان من امر الملك..
و استغرب ازاي يبعتلو في الوقت المتأخر ده؟
خاف صفوان احسن يكون عمل حاجه
غلط ووصل الخبر للملك و انه اكيد هيأمر
بقتله...
اكيد الموضوع مش خير ابدااا..
خرج من بيته وو دع اولاده و زوجته
و اخد عبايته.. و خرج مع الحارس اللي
بعته الملك.. و وراه عبيده اللي بيلازموه في
اي مكان...
...
دخل صفوان علي الملك و قال..
مولاي الملك سلمان.. قالها و هو بينحني للملك..
سلمان.. تعالي يا صفوان..
صفوان... اؤمرني يا ملك الملوك.. و لسه هيكمل
غزل في الملك قطع كلامه سلمان و قاله..
في حاجه محيراني يا صفوان...
صفوان.. ايه هي يا ملك الزمان...
سلمان.. النوم طار من عنيا.. و الليل اللي
طال عليا..
صفوان.. ده يمكن بس من المسؤليه..
سلمان.. مسؤليه؟
صفوان.. جلالتك.. انت مستهون بأمور الرعيه..
سلمان... قولي اعمل ايه يا وزير..
صفوان.. العبد في التفكير و الرب في التدبير..
سلمان.. دبرني يا وزير انا زهقان و طهقان..
كل الناس نايمين مرتاحين و انا اللي زهقان..
صفوان.. الصبر يا مولاي السلطان..
سلمان.. ايه رأيك لو تنزل معايا نمشي
في شوارع المدينه؟
صفوان.. في الوقت ده يا مولاي..؟
سلمان.. يمكن نلاقي حاجه تسلينا و تهون الليل
علينا..
صفوان.. و مين اللي هيخرج معانا..
سلمان... مفيش حد هيجي معانا..
صفوان... و لما الناس يعرفونا..
سلمان.. ما احنا هنتنكر..
صفوان.. نتنكر؟
سلمان... هااااا ايه رأيك؟
صفوان... الرأي رأيك يا مولاي...
سلمان.. طيب يلا قوم غير هدومك...
صفوان.. حاضر يا مولاي..
سلمان.. احنا هنتنكر في هيئه دراويش...
استغرب الوزير و قاله
هيئه دراويش..؟
قاله الملك.. هنخرج بشويش و نرجع من غير
ما حد يحس بينا..
نده سلمان علي الحارس بتاعه و قاله..
هات الهدوم اللي قولتلك عليها..
الحارس قاله حاضر يا مولاي...
جهز الملك و الوزير.. و نزلو يلفو في شوارع
المدينه و بعد لف طويل.. قال الوزير..
احنا تعبنا و لفينا كتير
الملك قال.. ااه يانا الدنيا ليل و الناس نايمين..
الا انا النوم مجافيني
صفوان.. الليل ستار يا مولاي..
سلمان.. و فيه اسرار يا صفوان..
صفوان.. تحب يا مولاي نمشي علي شط
النهر شويه...
سلمان.. تعالي يا صفوان.. اهو نشم هوا بالمره..
و نتف*ج علي الميه...
اخد باله الوزير من مركب ليها زينه كبيره و انوار
ملونه منوراها من فوقها لتحتيها و الورد من
كل حته مغطيها..
ماشيه في النيل و قال..
شايف المركب دي يا مولاي..
الملك قاله ايوه دي جايه علينا..
صفوان... سامع يا مولاي دي جواها اغاني
و طرب و موسيقي جميله اوي..
الملك... ايوه و كأنها ماشيه بتتمايل علي الميه..
الوزير... ده مفيش كده في الدنيا.. بص يا
مولاي.. ده في راجل مراكبي واقف هناك اهو
الملك.. طيب اندهله بسرعه نشوف ايه حكايه
المركب دي..
الوزير.. انت يا راجل يا مراكبي..
رد عليه و قال ارجع يلي بتندهلي..
كرر الوزير و قاله انت يا راجل يا مراكبي تعال هنا.
كرر المراكبي تاني ارجع بقولك..
الوزير صفوان... سأله ايه المركب دي؟
و مين الناس اللي في المركب دول...
قاله ارجع بقولك..
صفوان.. نرجع ليه؟ هو في ايه؟
المراكبي... انتو ما تعرفوش ولا ايه؟
صفوان... نعرف ايه بالظبط؟
المراكبي.. اما صحيح انكو دراويش..
ده الملك سلمان يا عم الدرويش..
استغرب الملك سلمان و قاله
.. ايه الملك سلمان؟
المراكبي... يعني انت مش شايف الوزير
صفوان...
اتعجب الوزير و قال.. ايه الوزير صفوان؟
ده شيئ مدهش..
المراكبي.. ايه ده اللي شيئ مدهش.. انت اتجننت
اكتر ما انت مجنون يا عم الدرويش...
صفوان... اتعصب و قال.. انت عارف انت بتقول
ايه.؟ و لا بتكلم مين؟
المراكبي... بس خليك عندك و ماتقربش من هنا..
اصل الملك سلمان لو شافكم هنا.. هيموتنا
كلنا.. المنتقم ربنا... قالها و هو حزين و م**ور..
سلمان بص للوزير صفوان و قاله..
سامع يا صفوان واحد مسمي نفسه الملك
سلمان...
صفوان... سامع يا مولاي.. و كمان معاه واحد
عامل نفسه انا و مسمي نفسه الوزير صفوان..
سلمان... ازاي يجي الجرئه لحد من رعيتي..
ينتحل شخصيتي...
اتعصب جدا و نده علي المراكبي وقاله..
انت يا راجل يا مراكبي..
رد المراكبي بلا مبالاه و قاله..
يا عم الدرويش سيبني في غولبي.. ربنا وحده
اللي يعلم بحالي...
سلمان... اسمع بس اما اقولك قرب علينا هنا..
المراكبي.. يا عم ابعد عني ربنا يكفينا شرك..
سلمان.. خرج من جيبه مئه دينار و قاله..
خد الفلوس دي و قعدنا في المركب نتف*ج
و نشوف..
المراكبي.. يا عم ابعد عني اعمل معروف..
شاور الملك للوزير و قاله.. اديله كمان مئه
دينار...
انبهر المراكبي بالفلوس و قاله.. كمان مئه دينار..
طيب انا هود*كم بالمركب و ربنا هو الستار..
....
ركب الملك و الوزير المركب و قالهم المراكبي..
اقعد تحت انت و هو عشان ما حدش فيكم
يبان.. قاله صفوان.. متخافش..
المراكبي.. يا عم اسمع الكلام احسن ما نروح
في داهيه انا و انت...
قال صفوان للملك سلمان...
شوف يا مولاي.. قاله سلمان..
ده شخص مش معروف..
المراكبي.. طيب نزل دماغك انت و هو.. انتو
ازاي بتقولو انه شخص مش معروف...؟
اللي قاعد علي الكرسي الدهب ده الملك
سلمان.. نام محمد و انا قمت روحت سريري
وحطيت المخده علي دماغي وانا عارفه اني مش هعرف انام اصلا بعد اللي حصل ده هو مصطفي ده مجنون بجد ازاي يعمل كده وابتسمت لما افتكرت نظرته ليا لما ض*بته علي ايده ولا لما كنت بنده علي محمد لما قعد وفضل يبصلي وهو بيضحك اوي ايوه صحيح هو كان بيضحك علي ايه الواد ده مجنون اكيد مجنون....
روحت في النوم وانا بفكر او تقريبا من كتر التفكير...
*****
تاني يوم وبعد ما خلصت واجباتي المنزليه وقفت اودام الدولاب عشان اشوف هلبس ايه وانا رايحه لبابا طلعت بنطلون ابيض واسع وبادي اسود قصير وڤيست ابيض طويل لبست الطقم علي بعضه كان شكله حلو بس البنطلون ده هيقع مني اكيد...
انا واثقه من كده هو انا خسيت ليه كده؟
طيب انا هاخده اضيقه شويه..
لبست وحطيت البنطلون في شنطه ونزلت روحت علي الخياطه اللي بعدينا بكام شارع لاقيتها قافله سألت محل جنبها هتفتح امتي قالولي بعد الساعه خمسه تعاليلها مشيت وانا متضايقه الحقيقه اني نزلت علي الفاضي خلاص انا هنزل تاني علي الساعه خمسه وخلاص....
روحت وجم اخواتي من المدرسه وكل واحد حضر اللي هيلبسو يوم الجمعه اليوم الموعود....
علي الساعه خمسه ونص لبست ونزلت وروحت للخياطه ظبطت البنطلون وانا راجعه لاقيت مصطفي خارج من مقله اللب حطيت وشي في الارض ومشيت لاقيته فجأه بيعدي من اودامي وقفت مره واحده عشان ماخبطش فيه بعد ما عدي يادوب خطيت خطوه لاقيته رجع عدي مره تانيه والمره دي بجد كنت هخبطه وقفت بمعجزه وبصيتله راح قاعد علي الرصيف وفضل يضحك ووقع علي ضهره من الضحك وانا من غيظي كان نفسي اض*به بالشنطه في وشه والله بس مسكت نفسي بالعافيه بصيتله من فوق لتحت وسيبته ومشيت طلعت البيت....
وفاتن اول ما شاف*ني متضايقه جت جنبي...
وسألتني: مالك؟
قولتلها: الحيوان ده كان مصر يوقعني في الشارع مرتين يعمل نفسه هيعدي من اودامي وكل مره فيهم كنت هخبطه لولا ان ربنا ستر عيل غ*ي والله......
بصتلي وانفجرت في الضحك..
قولتلها: انتي بتضحكي علي ايه؟
بقولك كان هيوقعني.
قالتلي: والله انتي هبله.
الواد هيموت عليكي كلميه يابنتي بدل ما يجراله حاجه..
بصيتلها بغل وجزيت علي سناني وقلتلها: بقولك ايه؟
فكك مني.
ولو ليكي كلام معاه قوليله يفكه مني بدل ما افضحه في ام الشارع... خليه يبعد عني احسنله.. واقولك حاجه حلوه مش هكلمه بردو خلاص؟ قالتلي: براحتك يا سما.
انا مش بجبرك.
وانا ماليش كلام معاه.
بس هو بصراحه صعبان عليا.
وياريتني الاقي حد يعمل معايا كده.
الهي تنشك يا عمرو انت ليه مش طالع زي اخوك؟
وم**صت شفايفها وقالت: ناس ليها بخت وناس ليها عمرو.
ضحكت عليها وعلي طريقتها...
وقلتلها: معلش ربنا يوعدك ياختي اتهدي بقا. وشوفيلنا حاجه في التليفزيون نتف*ج عليها.
خلي اليوم ده يعدي.
***
شويه وماما جت لاقيتنا قاعدين بنتف*ج علي التليفزيون قمت وحضرتلها العشا وبعد ما خلصت اكل ومحمد قاعد....
قالتله: انت في البيت يعني؟
قالها: ايوه يا ماما عشان انام بدري عشان اروح بكره بدري لبابا.
قالتله: بإستهزاء مستعجل اوي تروحله؟
قالها وهو باين علي وشه الفرحه: ايوه يا ماما بابا وحشني اووي والله.
قالتله: طيب ماتروحله من دلوقتي.
محمد فرح اوي وقالها: والله بجد ينفع ؟
قالتله: اه طبعا ينفع تحب اكلمهولك؟
قالها: ياريت يا ماما.
طبعا انا فاهمه استهزآها بكلام محمد هنا انا اتدخلت في الكلام....
وقلتله: لا يا محمد ماينفعش يا حبيبي اكيد مش هنمشي بالليل...
زعل وقالي: بس ماما بتقولي ينفع...
قلتله: ماما مش عايزه تزعلك عشان كده بتقولك كده.
بس انت فكر بعقلك هو هينفع نمشي بالليل.
ممكن مانلاقيش مواصلات مش صح؟
قال: صح.
ماما قالتلي: لا عادي هتلاقو بس مش هتلاقو اللي يستقبلكم ف الوقت ده....
قلتلها: صح يا ماما معاكي حق اصلا محدش بيروح يزور حد في الوقت ده...
قالتلي: ماشي يا ست الفيلسوفه قومي بقا انزلي هاتيلي حاجات من السوق عشان مش هنزل بكره....
قلتلها: طيب خلي محمد يروح..
قالتلي: لا محمد هيروح يجيبلي حاجه من حته تانيه...
قولتلها: طيب خلي فاتن تيجي معايا..
قالتلي: لا هي هتغسل المواعين ولا عايزين تمشو وتسيبولي الشقه زي الزفت؟
قولتلها: حاضر يا ماما...
**
نزلت انا ومحمد سوا هو مشي يمين وانا مشيت شمال علي طريق السوق اول ما دخلت الشارع خدت بالي ان في حد ماشي ورايا قابلت عمي محمد صاحب بابا وقفت معاه وسلمت عليه...
قالي: رايحه فين؟
قولتله: هجيب حاجه لماما.
قالي: ماشي ما تتأخريش؟
قولتله: حاضر سلام يا عمي.
قالي: سلام.
**
روحت جبت الحاجات ورجعت وقبل ما ادخل شارعنا لاقيت مصطفى واقف علي الشارع بره عيني جت في عينه وديت وشي الناحيه التانيه وقولت لنفسي ايه ده هو واقف مستنيني ولا ايه لاقيته جيه وقف اودامي...
وقالي: مين اللي كنتي واقفه معاه ده؟
قولتله: وانت مالك.
ده حبيبي.
يخصك في حاجه؟
بان علي وشه الصدمه وسكت ونزل وشه في الارض سيبته ومشيت...
قولت لنفسي ده شكله صدق.
ايه ده هو عمي محمد شكله حلو اووي كده ولا ايه؟
**
طلعت البيت وخلصت كل اللي ماما طلبته مني من تحضير اكل لبكره واي حاجه عوزاني اعملها...
ولاقيتها بتقولي: انا خليت اخوكي يجيب مسحوق غسيل اغسليلي بقا شويه الغسيل دول قبل ما تمشي...
قولتلها: حاضر بكره اول ماا اصحي هغسلهم.. قالتلي: لا دلوقتي عشان لو صحيتي متأخر هتمشي من غير ما تعمليهم..
قولتلها: حاضر.
**
... وطبعا فاتن كالعاده عملت نفسها نايمه عشان ماتساعدنيش في الحقيقه كلهم نامو ابتديت غسيل وكل ما اخش انشر الاقيه قاعد وباصص ع البلكونه وعلي وشه الحسره مكنتش ببص ناحيته بس بصراحه صعب عليا والله خلصت غسيل علي الساعه واحده ونص بالليل وكل المحلات كانت قفلت والشارع بقا تقريبا ضلمه....
سمعت صوته وانا بمسح البلكونه بعد ما خلصت بيغني.. القريب منك بعيد والبعيد عنك قريب القريب منك بعيد والبعيد عنك قريب كل ده وقلبي اللي حبك لسه بيسميك حبييييب كل ده وقلبي اللي حبك لسه بيسميك حبيب..
حسيت بنغزه في قلبي وكأني زعلت عشان جرحته بالطريقه دي...
بس قولت لنفسي وانا مالي بيه؟
هو ما يخصنيش في حاجه..
ولاقيته بينده عليا بصوت واطي...
يا سماااا.....
قلبي اتخ*ف واتخضيت يا جبروتك يا اخي انت كمان ليك عين تنده عليا عملت نفسي مش سامعه وروحت اقفل ستاره البلكونه لاقيته واقف علي حجر كبير عشان يشوفني كويس....
وقالي: انتي سمعاني يا سما ردي عليا..
بصيتله ومن غير ما اتكلم ومن غير اي ريأكشن علي وشي.....
لاقيته بيقولي: طيب انتي مش شايفه انه كبير عليكي شويه؟
رفعت حاجبي....
قالي: علي فكره الاغنيه دي كانت ليكي....
قفلت الستاره وباب البلكونه وانا سمعاه بيقولي طيب استني ماردتش عليه وخدت دش وخرجت فتحت باب البلكونه بالراحة عشان اشوفه لسه موجود ولا مشي ما لاقيتهوش دخلت تاني وطلعت علي سريري اتغطيت وقولت لنفسي ده اكيد بيلعب بيا هو اصلا ما يعرفنيش عشان يحبني او لا انا احسنلي انام بدل ما افكر في حاجات ملهاش لازمه..
يتبع...
- Writer
