الفصل 8

2800 Words

‏نمت وصحيت علي صوت محمد بيقولي: يلا يا سما اصحى يلا عشان نروح لبابا... ‏ قلت له: هي الساعه كام؟ ‏ ‏ ولقيت فاتن هي كمان صحيت وهما الاثنين لابسين هدومهم و جاهزين قمت انا كمان وجهزت نفسي استاذنا من ماما واخذنا منها فلوس المواصلات طبعا هي فضلت تنفخ وزعلانه.... ‏ ‏ قلت لها: ممكن تتصلي بعمي عشان تعرفيه اننا نازلين؟ ‏ قالت: طيب انزلو وانا هاكلمه. ‏** ‏نزلنا وركبنا المواصلات و سالنا على شارع عمار بن ياسر ووصلنا فعلا كانت اول مره ادخل فيها بيت عمي من سنين خبطنا على الباب مره واثنين الساعه ما كانتش بدري قوي يعني ده كانت الساعه عشره ونصف وقفنا شويه على الباب ورجعنا خبطنا ثاني لقيت الباب بيتفتح ومرات عمي هي اللي بتفتح..... ‏ ‏قلنا لها صباح الخير يا طنط ماجده قالت صباح النور اتفضلوا دخلنا وقعدنا في الصاله وهي دخلت على الحمام تغسل وشها وبعدين لما خرجت سالناها فين الاولاد وعمي وبابا؟ ‏قالت: ان هما لسه نائمين. ‏ ‏ استأذنت فاتن وقالت: لطنط ماجده ممكن ادخل اصحيهم؟ ‏كان باين علي وش طنط ماجده انها متضايقه بس قالت ع** كده.... ‏ قالتلها: اتفضلي يا حببتي... ‏ ‏ دخلت فاتن اوضه البنات نائمين كلهم بصيت على السرير الناحيه الثانيه لاقت بابا نايم راحت جنبو باسيته من خده فتح عينه وشافها... ‏ ‏ قال لها: ازيك يا فاتن وحشتيني... ‏ ‏ اول ما محمد سمع صوت بابا راح جرى عليه نط عليه فوق السرير.... ‏ بابا صرخ وقال: اااه يا محمد وجعتني وقعد يضحك..... ‏انا دخلت عليه وقلتله: ازيك يا بابا عامل ايه؟ وحشتني اووي. ‏ قالي: وانتي كمان وحشتيني اووي طمنيني عليكي عامله ايه؟ ‏قولتله: انا كويسه الحمدلله... ‏ قال: طيب تعالو نتكلم برا عشان اللي نايمين دول. ‏ قولتله: تعالي.... ‏*** ‏ خرجنا قعدنا في اوضه الكمبيوتر محمد قاعد علي حجرة وانا وفاتن جنبه علي الشمال واليمين ‏** ‏ بابا بصلنا وقال: وحشتوني اووي هااا عاملين ايه من غيري بقا؟ ‏ردت فاتن: احنا كويسين. ‏ بس انت ما بقتش تيجي ليه يا بابا زي الاول؟ كنت بتيجي كل فتره دلوقت مش بتيجي خالص... قال لها: في مشاكل بيني وبين ماما يا فاتن انتي لسه صغيره مش فاهمه حاجه اما تكبري شويه افهمك.... ‏ قلت له: يا بابا بس انت بتبقى واحشنا واحنا طول الوقت قاعدين لوحدينا حاول تبقى تيجي تبص علينا حتى.... ‏ قال لنا: ماشي. ‏ ‏وبعدين عمي صحي.... ‏ وقال: ازيكم؟ ‏صباح الخير يا اولاد.... ‏ ‏ وجيه سلم على كل واحد فينا وقال يلا يا احمد عشان ننزل نجيب الفطار وانت يا بنت يا سما خشي صحي العيال اللي جوه دي وروقو الدنيا لغايه لما نجيب الفطار ونيجي.... ‏ ‏ دخلت فاتن بتلقائيه عشان تصحى وسام.... ‏ ‏ وسام كان لها اختين كمان وئام وعلياء.... ‏قالت: يلا يا وسام اصحى عشان تسلمي علينا... ‏ ‏ فتحت عينيها.... ‏وقالت لها: ازيك يا فاتن؟ ‏.... ‏ صحيت وئام وقالت لها ايه الدوشه اللي عاملينها دي؟ ‏ قالت لها: ده اولاد عمك هنا.... ‏قلت لها: ازيك يا وئام؟ ‏قالت: انا كويسه تمام... ‏فاتن قالت لي وسام يلا قومي عشان نروق الشقه دي قبل ما عمو و بابا ييجو.... ‏ضحكت اااوي وسام وقالت: كلمي يا وئام دي بتقول لنا نقوم نروق..... ‏انتي ع**طه يا بنتي؟ ‏احنا ما بنروقش امال ماما اللي بره دي لازمتها ايه؟ ‏ انا اندهشت من كلامها سالوا علي محمد ردت فاتن بابا اخذوا معاه قلت لها طيب خلاص تعالي يا فاتن احنا نساعد طنط بره... ‏قالت: ايوه ايوه يلا روحوا انتم ساعدوها واحنا لما نصحى هنبقى نيجي..... ‏ ‏** ‏ اتضايقت اوي من رد فعلها واخذت فاتن وطلعنا بره وقفنا مع طنط بره وهي بتروق وخلصنا معها كل حاجه كانوا البنات قامو واحده دخلت الحمام والثانيه بتغير هدومها والثالثه لسه قاعده على السرير مستنيه دورها شويه وبابا جيه هو وعمه دخلنا المطبخ حضرنا الفطار معاهم وحطينا الفطار وقعدنا كلنا عشان نفطر عمي بالمناسبه كان عنده هو كمان ولد من سن محمد واسمه محمد كان بيشبه محمد اخويا بالضبط زي ما بابا وعمو شبه بعض وبعدين فتحو التليفزيون وقعدنا نتف*ج على مسرحيه وضحكنا شويه.... ‏ ‏وبعدين بابا قال: يلا عشان تروحوا.... ‏ ‏** ‏سلمنا عليه وقولنا له ابقى اتصل بينا يا بابا قال هاتصل بكم حاضر سلمنا على عمو و البنات ونزل بابا معنا وصلنا لغايه الميكروباص ومشينا ولما نزلنا عند الجامعه علشان نغير هنركب ميكروباص يوصلنا لغايه البيت ركبنا وروحنا ‏*** ‏ما كانش ده اليوم اللي احنا كنا بنحلم به تقريبا البواخه اللي كانوا بيعاملونا بيها مرات عمي واولادها كانت مقصره على اليوم.... ‏محمد كان صغير مش فاهم حاجه اول ما دخلنا من باب البيت ماما طبعا استقبلتنا..... ‏ها عاملين ايه؟ ‏ابوكي عمل معكم ايه؟ ‏ادا لكم فلوس؟ ‏ وصلكم لغايه البيت؟ ‏ فضلت تسالنا اسئله كثير لغايه لما احنا زهقنا.... ‏ ‏ قلت لها: يا ماما اهو كان يوم وعدى... ‏ قالت لمحمد: اتبسط؟ ‏قال لها: اوي يا ماما. ‏اليوم كان حلو بس كنت عاوز بابا يرجع معايا هو انتم مش ناويين تتصالحوا ثاني؟ ‏ قالت له: ما تدخلش في اللي ما لكش فيه... ‏ قلت لها: يا ماما تحبي اعمل لك حاجه؟ ‏ قالت لي: لا شكرا... ‏قلت لها: طيب انا هادخل عشان انام.. ‏ قالت: اتفضلي مع السلامه.... ‏ ‏وهي قالبه وشها علينا انا مقدره هي ليه زعلانه بس احنا ملناش ذنب في كل اللي بيحصل.... ‏** ‏ والكام يوم اللي عدو بعد اليوم ده مكانش فيهم حاجه تذكر غير ان مصطفى وعمرو مباقوش باينين فاتن قالتلي انهم دخلو اكاديميه الشرطه واول اجازه هياخدوها بعد ست شهور دعيتلهم بالتوفيق... ‏** ‏ ويوم الحد روحت المدرسه عادي وقابلت البنات زي العاده في المكان اللي بنتقابل فيه لما دخلت الفصل لاقيت وسام قاعده مكانها روحت سلمت عليها لاقيتها بتقولي وهي في عيونها نظرة شماته.... ‏ عارفه بعد ما مشيتو عمو احمد خدني انا و وئام وعلياء ونزلنا نشرب عصير... ‏ وبصتلي عشان تشوف رد فعلي ايه وكملت وخرجنا من عند بتاع العصير روحنا بوتيك شيك اوي شايفه المانيكير ده هو اشتراهولي واللون ده كمان.... ‏ قولتلها: والله دي حاجه حلوه اوي بس خساره انا مش بحطه عشان بصلي مش زيك... ‏وسيبتها وقومت لاقيتها بعد شويه جايه وبتقرب مني وبتقولي: انتي قومتي ليه؟ ‏قولتلها: مفيش مصدعه شويه.. ‏قالتلي: عارفه انه هو اللي بيكويلي هدومي كل يوم؟ ‏ وحتي شرابي كمان هو اللي كاويه.... ‏اتعصبت جدا بس محبتش ابين... ‏وقولتلها: ربنا يخليهولك وما يحرمكيش منه ابدا.... ‏ دخلت المس وابتدي اليوم الدراسي وما صدقت جت الفسحه اخدت شنطتي ونزلت قابلت البنات... ‏ ‏ ولاقيت حسناء بتقول ل ايه: انا متأكده ان سما مش هتقول لا بس انا لازم اروح بعد المدرسه علي طول بابا جاي من السفر وانا بقالي كتير ماشوفتوش... ‏بصيتلها وضيقت عيني وانا مش فاهمه هو في ايه... ‏ وقلت ل ايه: ممكن افهم في ايه؟ ‏ قالتلي: انا رايحه مشوار بعد المدرسه ممكن تيجي معايا؟ ‏ قولتلها: ومالو انا اصلا مخنوقه ومش عايزه اروح البيت. ‏... ‏وقعدنا مع بعض شويه وبعدين كل واحد راح علي فصله وما صدقت ان اليوم خلص واتقابلنا ومن كتر ما كانو مستعجلين ماعملناش زي كل مره و اتمشينا لغايه الجيزه ركبنا علي طول ووصلنا الجيزه وركبنا حسناء ومشيت وبعدين روحت مع ايه ووقفنا في مكان.... ‏ ‏قلتلها: هو احنا مستنين ايه؟ ‏قالتلي: انا مستنيه محمد. ‏قولتلها: محمد مين؟ ‏... كانت متعصبه اوي..... ‏وقالتلي: وربنا لما يجي لاوريه عشان يوقفني كل ده في الشارع.. ‏ بصي انتي من الناحيه دي وانا ابص من الناحية التانية.. ‏قولتلها: هو انا اعرف شكله ايه اصلا؟ ‏... ‏ فضلت تشتم فيه ابن التييييت كل ده موقفني ف الشارع لما يجيلي وربنا لاوريه... ‏قولتلها: طيب ده يعني قريبك؟ ‏قالتلي: وهي عنيها بترقص وبتلمع لا ده حبيبي.. ‏...... اتنرفزت جدا منها... ‏ قولتلها: والله.؟ ‏طيب وانتي جايباني ليه وانتي جايه تقابلي حبيبك؟ ‏انتي ع**طه يا بنتي ولا ايه؟ ‏ قالتلي: بصي اصل هو بصراحه في واحد صاحبه رخم جاي معاه يرخم علينا ف انا عوزاكي تتكلمي معاه وتشغليه بعيد عننا... ‏قولتلها: انتي اكيد هبله وليه تحطيني في موقف زي ده؟ ‏انا مش موافقه انتي كان لازم تقوليلي قبل ما اجي وانا اقول اجي ولا لاء... ‏ وعشان كده حسناء هربت ودبستني... ‏ اقولك حاجه انا ماشيه.... ‏.... ‏وبلف وشي وهمشي مسكتني من ايدي.... ‏ ‏ وقالتلي: بالله عليكي يا سما انا عاوزه اتكلم معاه بقالي كتير مش عارفه اتكلم معاه وصاحبه البارد ده جاي معاه وهو بااارد اوي ومش هيسيبنا لوحدينا نتكلم براحتنا... ‏ ‏قولتلها: وانا ذنبي ايه يا ستي؟ ‏ سيبيني امشي والنبي.... ‏ قالتلي: لا استني بس.. ‏ ‏.... ومسكت ايدي جامد ايه وهي بتقول اللي اخرك يا زفت.... ‏ لاقيت شاب طويل اسمراني وطي علي ودنها وقالها الطريق كان واقف يا قلب الزفت لفت بسرعه وض*بته ض*به في كتفه اللي كانت طيلاه أصلا بالعافيه.... ‏وقالتله: انت ليه اتأخرت عليا؟ ‏ قالها: طيب مش تعرفينا... ‏ ‏ بصتلي وقالت: سما صاحبتي اعرفك محمد الموز بتاعي ض*بته في دراعه ض*به بمعني واللي معاك ده مين... ‏ بصلي محمد وقال: وده محمود يا سما. ‏ قلت وانا بدور وشي: اهلا وسهلا..... ‏ ‏بصت ايه لمحمد وقالتله: ها هنروح فين؟ ‏قالها: تعالي ورايا.... ‏وشاور بإيده تروح وراه ومشي هو ومحمود صاحبه اودامنا واحنا وراهم.... ‏ ‏ ولاقيتها بتقولي وهي قافشه في ايدي: هو انتي مش تقوليلي انه واقف ورايا؟ ‏الله يسامحك اهو سمعني وانا بشتمه.... ‏ ‏ضحكت عليها اوي... ‏وقلتلها: تستاهلي... ‏ثم هو انا اعرفه اصلا عشان اقولك هو وراكي ولا اودامك؟ ‏... ثم احنا رايحين فين دلوقتي؟ ‏ قالتلي: هنتمشي شويه علي الكورنيش.. ‏ وفكي كده بدل القفشه اللي انتي فيها دي... ‏ هو انتي ميتلك حد ولا ايه؟ ‏ فكي وشك ده... ‏قولتلها: انا خايفه انا ممكن حد يشوفني وانا ماشيه معاكو كده انتي كده يا ايه هتعمليلي مشاكل.. ‏ بصتلي بجنب عينها وقالتلي: يا شيخه... ‏ ماحنا ماشين بعيد عن بعض اهو... ‏ مين اللي هيشوفنا بقا... ‏قلتلها: انا قلبي مش متطمن اصلا.. ‏... بس ماشي. ‏ ‏ دخلنا من شارع جانبي وطلعنا علي الكورنيش وبقينا ماشين جنب النيل لاقينا ديسك قعدنا عليه كلنا انا وجنبي ايه وجنبها محمد وجنبه محمود يعني كانو قاعدين في وسطنا يا عيني.... ‏ انا احتراما لخصوصيتهم دورت وشي بعيد عنهم وبصيت ناحيه النيل وسرحت شويه.... ‏ ‏ لاقيتهم الاتنين قامو وقالو هيقعدو علي الديسك اللي جنبنا عشان عايزين يتخانقو مع بعض ومش هينفع يتخانقو اودامنا.... ‏ ايه غمزتلي ومشيت خطوتين... ‏ ولاقيت محمد بيقولي: معلش نستأذنك خمسه كده هاخودها اض*بها واجيبهالك تاني.... ‏ ‏بصيتله وقولتله:: ااه طبعا اتفضل حضرتك.. ‏ ‏.... وقعدت حطيت ايدي علي خدي شويه وبعدين فتحت شنطتي وطلعت ورق من اللي صورته من ايه وقعدت اقرا فيه شويه ولاقيت صوت بيقولي: هو انتي جايه تذاكري هنا؟ ‏ ‏بصيت جنبي وقلتله: لا عادي بضيع وقت لغايه ما يخلصو كلام ويرجعو تاني.. ‏... ‏ ورجعت بصيت في الورقه وانا بفكر اني اول مره اشوف ملامحه شاب وسيم ابيض البشره وعيونه بني وعنده غمازات وشعره مش طويل زي محمد اقصر شويه جسمه متناسق ومش طويل ولا قصير يجي 175 سم تقريبا لانه مش اطول مني اوي.... ‏.... ‏ فوقت من شرودي علي صوته وهو بيسأل هو انتي في سنه كام يا سما؟ ‏قولتله: من غير ما ارفع عيني عن الورق اللي في ايدي انا في سنه اولي ثانوي... ‏ وانت؟ ‏قالي: اولي جامعه... ‏قولتله: ربنا يوفقك. ‏ قالي: هو انتي ق*فانه مني اوي كده.؟ ‏... ‏بصيتله بإستغراب ليه بتقول كده؟ ‏قالي: وهو رافع حاجب ومنزل التاني وبصراحه شكله كان قمر اوي وهو بيبص كده اصلك بتكلميني وانت مش باصالي ولا مدياني اي اهتمام هو انا تقيل علي قلبك اوي كده؟ ‏... ‏ بصيتله وانا محروجه من كلامه وقلتله: لا ابدا بس انا معرفكش يعني عشان اتعامل معاك عادي كده... ‏لف جسمه كله ناحيتي وقرب شويه مني.... ‏ وقالي: ياستي ماهو انتي مش مدياني وش عشان نتعرف اصلا... ‏طيب بصي احنا نبدأ من الاول هاي ازيك انا محمود ومد ايده عشان يسلم.... ‏مديت ايدي وسلمت عليه وقولتله: وانا سما.. ‏ قالي: وهو مبتسم شوفتي بقا الموضوع مش صعب ازاي؟ ‏ابتسمي بس شويه... ‏ ابتسمت وقلتله: طيب ينفع تسيب ايدي بقا دلوقتي؟ ‏بص لإيده وهو مستغرب وقال: ايه ده؟ ‏ انتي لسه هناك بتعملي ايه؟ ‏سيبيها دلوقتي حالا وتعالي هنا عندي؟ ‏وسحب ايده بسرعه جنبه... ‏ وقالي: اسف معلش انا ديما بنساها في اماكن غريبه... ‏... ‏ضحكت بصوت عالي بصراحه لاقيت محمد وايه بيبصو علينا وبيضحكو هما كمان ‏... ‏ بصيت ل ايه بإستغراب وفجأه لاقيت محمود بيقولي: يووووه بردو رجعتي سكتي تاني يا ستي هو مش احنا اتعرفنا؟ ‏انتبهت ليه وقولتله: مم اه. ‏ قالي: اومال في ايه بقا سكتي تاني ليه طيب؟ ‏ قولتله: اقول ايه طيب؟ ‏ قالي: هو ممكن نبقا اصحاب؟ ‏والله شكلك فرفوشه بس مخبيه عليا.. ‏ باين من ضحكتك اصلا ماتخبيش عليا... ‏اصلك مش هتعرفي تضحكي عليا انا قديم في الموضوع ده... ‏ قولتله: وانا مستغربه موضوع ايه؟ ‏قالي: بعرف الناس من وشهم.. ‏تحبي اقرا لك الكف؟ ‏قولتله: لاااا.. ‏ قالي: طيب خدي اقري انتي كفي... ‏ ضحكت وقولتله: بس انا ما بعرفش... ‏ قالي: يا ستي خوديه انتي بس وهو هيقولك علي كل حاجه لوحده ده فتان اصلا ههههه..... ‏... ‏ضحكت و قلتله: انت دمك خفيف.. ‏ قالي: عارف عارف... ‏ ضيقت عيوني وقلتله: تبا لتواضعك... ‏ قالي: انتي بتشتميني باللغه العربيه الفصحي.... ‏ لا لو سمحتي انا ماسمحلكيش..... ‏ اشتميني باللغه العاميه عشان اعرف ارد عليكي... ‏... ‏ ضحكت تاني بردو وقلت في نفسي والله دمه خفيف... ‏ لاقينا محمد جاي يقول لا انا اقعد معاكو احسن من النكد اللي هناك ده انتو بتضحكو وقعدتكم حلوه.... ‏ببص لاقيت ايه قاعده هناك قمت روحتلها... ‏قولتلها: انتي ليه قاعده لوحدك؟ ‏هو ليه سابك وقام؟ ‏ قالتلي: لا مفيش انتو بتضحكو وصوتكم عالي ف هو قال هيقوم يشوف في ايه... ‏وانا قولتله بيضحكو عادي... ‏قالي شايفه صاحبي عرف يضحك صاحبتك ازاي عشان تعرفي ان احنا جامدين اوووي.... ‏قولتلها: والله؟ ‏... ‏وانا برفع حاجب ومنزله التاني ‏... ‏ قالتلي: اه والله هههههههه... ‏قولتلها: بصراحه دمه خفيف جدا... ‏ ‏ لاقيت محمد ومحمود جايين وقعدو جنبنا ومحمد قال ها يلا ضحكونا معاكو بقا.... ‏ ‏محمود قاله ليه شايفنا قرود يابني ما تخلي ايه تضحكك مالك بينا انت عيل محشر..... ‏ضحكت ايه.... ‏ وانا قولتله: يعني ايه محشر دي؟ ‏قالي: يعني بيتحشر في اللي مالوش فيه اصلا.... ‏... ‏ ضحكنا كلنا وبعدين بصيت ف الساعه وقلت ل ايه مش يلا بقا انا اتأخرت ولازم امشي قالت ماشي يلا بينا.... ‏ محمد قال ايه ده لسه بدري قولتله لا عندي انا مش بدري يمكن عند ايه اوك عموما انتو خليكو وانا همشي.... ‏ ايه قالتلي: لا استني انا جايه معاكي... ‏محمد قال: ماااشي يلا بينا. ‏.... ‏ قومنا وكلنا مشينا جنب بعض بس لاقيت ايه ومحمد مشيو اودامنا شويه ومسكو ايديهم في ايد بعض ومشبكين صوابعهم سوا ماحبتش اتطفل عليهم ومحمود يا عيني كان ماشي وراهم وانا ورا خالص اخر نفسه شويه لغايه ما بقا جنبي ‏.... ‏ ولاقيته بيقولي: هو انا هشوفك تاني؟ ‏قولتله: مش عارفه بصراحه.. ‏قالي: طيب هو ينفع لو محمد جيه يقابل ايه تيجي معاها؟ ‏وانا كمان اجي واشوفك... ‏ قلتله: بردو مش عارفه... ‏ يمكن على حسب الظروف... ‏ قالي: هو انتي مرتبطه بحد؟ ‏... ‏بصيتله ورفعت حاجب ومنزله التاني ‏.. ‏هو انت مش قولت سؤال واحد بس؟ ‏ قالي وهو بيبتسم طيب: ممكن سؤال تاني؟ قولتله وانا ببتسم ابتسامه خبيثه: لاااا.... ‏قالي: طيب ليه كده طيب هههههه.... ‏... ‏ضحكت انا كمان لاقيت ايه ومحمد وقفو وقال محمد هو انتو مش بتضحكو غير واحنا مش معاكو هو احنا وش نكد يا جدعان ولا ايه ضحكنا كلنا ‏.... ‏ وقلتله: لا خالص والله بس هي بتيجي كده يعني يلا انا هسيبكم هنا وهروح اركب من هناك.. ‏محمود قالي طيب استني خدي رقمي عشان نبقا نتفق... ‏قولتله: هبقا اخده من ايه بعدين معلش انا اتأخرت ولازم امشي... ‏ قالت ايه : ماشي يا قلبي هكلمك لما اروح احنا كلنا هنركب من هنا عموما... ‏ قولتلهم: اوك باي... ‏... ‏ وبلف وشي لاقيت محمود بيقولي: انتي ما ردتيش علي سؤالي؟ ‏ بصيتله بجنب وشي وقلتله.. هو ايه كان السؤال؟ هو احنا بنتكلم عن مين؟ خليها المره الجايه... ‏قالي: وكنت بعدت عنهم كده ده وعد ان في مره جايه... ‏... شاورت من غير ما ابصله وهو في ضهري بااااي ‏.... ‏ وروحت ركبت الميكروباص وصلت عند البيت وغصب عني عيني جت علي المكان اللي كان قاعد فيه مصطفى اخر مره وطلعت البيت وفي الحقيقه انا كل تفكيري كان في كلام وسام اللي كانت بتستفزني بيه طول اليوم مش عارفه انا ليه سكتتلها اصلا وكأن البيت ده بقا مركز النكد انا لغايه من ربع ساعه كنت بضحك ومش بفكر في الموضوع ليه اول ما دخلت البيت الموضوع سيطر عليا تاني... ‏دخلت لاقيت فاتن ومحمد قاعدين بيتف*جو علي التليفزيون رميت شنطتي علي الكرسي وقعدت وقلت ل فاتن انا جعانه يا تونه اكليني قالتلي مالك قولتها اكليني وانا هحكيلك كل حاجه... يتبع...

Free reading for new users

Scan code to download app

App Store Google Play

Facebookexpand_more