PRESENT...
"AT doon nagsimula ang lahat?" Tumingin siya sa Therapist na kausap niya.
Si Vian Braganza, ang therapist na sinadya niya ngayong araw. May nag-refer lang sa kanya kay Miss Vian sa foundation.
"Yeah." Napayuko siya. Kinapa niya ang damdamin. Nasasaktan pa rin siya sa mga nangyari sa kanila ni Zale. Nakakapanghinayang pero iyon ang tama.
Nag-angat siya nang tingin kapagkuwan. Nakangiti sa kan'ya ang therapist niya at hinihintay ang muling pagkukuwento niya.
Sabay pa silang napatingin nito nang may narinig na bell. Hudyat na tapos na ang session niya.
"Nawala ka na, Miss Legaspi. Pero 'wag mo na munang pilitin ang sarili mo na magkuwento kung hindi mo kaya. I can wait," anito.
"Kaya ko pa naman, Miss Vian. Kaso oras na para sa susunod mong kliyente," aniyang nakangiti.
