TADDIAH's POV
LUMABAS ako ng apartment upang mamili ng makakain at maiinom. Malalim na ang gabi ngunit nagniningning pa rin ang mga bituin sa kalangitan. Lumabas akong naka-jogging pants, naka-oversize shirt at naka-jacket ang suot. Ramdam ko ang lamig ng simoy ng hangin. Nakasuot din ang headphone ko sa palibot ng aking leeg. Nakasagad ang volume niyong pinapakinggan ko kaya kahit hindi ko ilagay sa tainga ko ay naririnig ko pa rin.
Sabay sa indak ang ulo ko habang naglalakad ako. Sa sobrang lamig ay nakatago na sa bulsa ko ang mga kamay ko. Pumasok ako sa isang convenience store. Kahit gabi na, may mga tao pa ring narito. 'Yong iba naman ay nakatambay lang habang umiinom ng alcohol.
Kumuha ako ng tatlong cup noodles at isang malaking junk foods. Naglakad ako patungo sa isang beverag
