EUNRI's POV
DUMIGHAY ako ng malakas. Nang dahil do'n ay napalingon silang lahat sa gawi ko. Kahit ang mga maids na nagbabantay sa gilid ay nakuha ko rin ang mga atensyon nila.
Nakakahiya 'to!
"Say, 'excuse me'," bulong sa'kin ni Yuji.
"Ahh... ehh... pa-pasensya na po," paghingi ko ng pasensya.
"Ang sinabi ko 'excuse me' hindi 'pasensya na po'," ngumisi ito.
Binalingan ko siya ng tingin at inirapan ito. Lagi na lang siyang nangingialam sa mga sinasabi ko. Kaunti na lang talaga ay tatadyakan ko na ito.
Natawa naman ng bahagya si nanay Delia dahil sa inasta ko.
Alam kong hindi karespe-respeto 'yong ginawa ko. Nakakahiya naman. Ano na lang ang sasabihin ng pamilya niya tungkol sa'kin?
"O-Okay lang 'yon, hija. Ang ibig sabihin niyon ay nagustuhan mo ang luto ko. Tama ba?" Nginitian n
