SOMEONE's POV
HINDI ako mapakali kalalakad sa puwesto ko. Ilang taon na akong ginugulo ng konsensya ko. Hindi ko na kaya 'tong pagpapanggap. Naging pamilya at napamahal na rin ako sa Wang family at alam kong gano'n din sila sa'kin. Naging kanang kamay ako ni Madame Zen sa lahat ng bagay gano'n din ang pagaalaga ko kay Caszianna, ang pangalawang anak nila ni Sir Carlos.
"Puwede bang ihinto mo 'yang kalalakad mo? Nahihilo ako sa'yo, eh,"
Huminto ako at humarap sa asawa ko. "Bai, natatakot ako. Nakokonsensya na ako sa ginawa natin noon."
"Matagal na 'yon, ano ka ba?! Sa tingin mo hinahanap pa rin nila 'yong batang 'yon?! Malamang patay na 'yon,"
"Katatawag ko lang kay Dom sa mansion kanina, hanggang ngayon ay iniimbestigahan pa rin nila 'yong kaso. Bai, pa'no na tayo? May pera nga tayo
