CHAPTER 39
“Sa ayaw mo’t sa gusto. Sasamahan kita ngayon. Gusto kong malaman ang buo mong transaction. Kung paano mo nagawang itago sa akin na droga na ang iyong dinadala?”
Tumingin ako sa kanya. Tinimbang ko kung ano ang tunay niyang nararamdaman ngayong alam na pala niya ang tungkol doon at inilihim lang din niya kagaya ko.
“Oh, hindi mo ako masagot? Mahirap pang sabihin ang totoo? Hindi ba ako karapat-dapat sabihan ng mga sikreto mo?”
“Ayaw kong lang sanang ma-involve ka. Gusto kong manatili sanang walang alam.”
“Walang alam? Mahal, ano ba ako sa’yo? Ano ba itong relasyon natin na yung mga ganitong delikadong mga bagay ay hindi mo sa akin masabi?”
Bumunot ako nang malalim na hininga. Hindi ko alam kung paano ko mapapagaan ang sitwasyon. Kanina lang, nasa langit kami, tapos pagbag
