CHAPTER 38
Nang matapos kaming kumain ay siya namang pagtawag na ni Kuya Zaldy para ihatid kami sa sinasabi niyang titirhan namin ni Rizza. Mga nasa labinlima hanggang sa dalawampung minuto rin ang aming tinakbo hanggang sa marating namin ang sinasabi niyang lumang bahay nila. Nasa ibang bansa ang mga magulang ni Kuya Zaldy at ang mga kapatid naman ay sa Cavite at Manila. Walang tumitira roon kaya kami na lang muna ang kanyang pinatira pero hindi niya ipaalam sa kanyang pamilya. Ayaw kasi ng mga kapatid at magulang niya na ipa-renta o may titirang iba dahil baka raw mababoy ang bahay.
Hindi naman kalakihan ang bahay. Nasa mataas na bahagi na parang burol. May gate at kailangang maglakad pa ng hanggang tatlong minuto bago marating ang paradahan ng trysikel papun
