CHAPTER 41
RIZZA’S POINT OF VIEW
Wala sa hinagap ko na darating sa buhay ko ang kagaya ni Rhon pagkaraan kong masaktan kay Paul. Ni hindi ko naisip na mapapansin at mamahalin niya ako. Isa lang naman kasi akong simpleng babaeng ulila at ang mahalin ng kagaya ni Rhon ay isa sa mga pinaka-imposibleng nangyari sa akin. Hindi ko maipagpapalit ang lahat ng kanyang isinakripisyo sa akin. Hindi ko iyon makakalimutan. Mananatili iyon sa akin puso. At kahit pa sa kabila ng mga pananakot at banta ni Paul na papatayin niya si Rhon noong dinalaw ko siya sa hospital at nang araw na dinalaw niya ako sa hospital nang lumabas si Rhon ay hindi ko pa rin siya kayang iwan. Kaya naman sa tuwing lumalabas siya, natatakot ako. Hindi lang dahil baka mahuli siya ng mga pulis sa pagde-deliver niya n
