PAGKATAPOS ng opisina ay dumaan muna si Alani sa isang pharmacy malapit sa kanyang uuwian. Hanggang ngayon ay ayaw niya pa rin na sumasabay siya pauwi sa lalaki. Ayaw niyang magmula sa kanya ang pagdududa ng mga tao.
Nagtataka lang s'ya dahil wala siyang naririnig na tsismis mula kay Cristina. Hindi man nito sinabi ang pagtatalong nangyari sa opisina ni Ezekiel. Nahihiwagaan talaga siya sa babae. Hanggang ngayon ay nagtataka pa rin siya kung paano nito nalaman ang tungkol sa kanila ni Ezekiel. Mukhang marami itong alam tungkol sa kanila ni Ezekiel.
"Ma'am?" untag sa kanya ng kahera sa naturang pharmacy.
Natutulala na naman siya.
"Sorry, pregnancy kit sana ang bibilhin ko," sagot niya sa kahera.
Tumalima ito at binigyan s'ya ng kanyang kailangan.
Pagkatapos niyang magbayad ay mabilis
