NAPANGITI si Apollo nang dalawin siya ng kapatid na si Congressman Raul. Bihira na sila kung magkita dahil tulad ni Ezekiel ay abala rin ito sa katungkulan nito.
“Mabuti naman at dinalaw mo ako. Malapit ko nang isipin na wala akong kapatid,” natatawang wika niya sa kapatid. Niyakap s’ya nito kaya gumanti rin siya ng yakap.
“Si Carol?” tanong nito na ang hinahanap ay ang kanyang asawa.
“Nasa taniman ng ubas. Hindi n’ya naman kasi alam na darating ka. Hindi man lang kami nakapagluto,” sagot n’ya.
“Hindi na kailangan. Napadaan lang din naman ako.”
Saglit niyang tinawag si Manang Nelia at nagpagawa ng kape para sa kanilang dalawa ng kapatid. Mas matanda siya kay Raul ng tatlong taon.
“Mukhang plano mong mabulok dito sa hasyenda mo,” wika pa ni Raul sa kanya na umupo sa bakal na upuan. N
