Alani’s pov
HINDI niya alam kung ano ang kanyang nararamdaman ng mga oras na iyon. Hindi niya maipaliwanag pero isa lang ang kanyang alam. Napakasaya niya ngayon. Tila siya nakalutang at walang ibang iniisip kundi ang mga namamagitan lamang sa kanila ng lalaki.
“Kumain na tayo,” wika sa kanya ni Ezekiel. “Nagutom ako,” natatawa nitong wika bago siya kinantilan ng halik.
Hinawakan nito ang kanyang kamay at inakay siya palabas ng silid. Hindi siya tumutol nang akbayan siya ni Ezekiel. Pagdating nila sa kusina ay kaagad na ininit ni Ezekiel ang sinigang na lumamig na. Nakaupo na siya habang ito ay abala.
“Come here,” tawag sa kanya ni Ezekiel.
Nakabukas ang mga bisig nito kung kaya napatayo siya. Ikinulong siya nito sa matitipuno nitong dibdib. Napapikit na lamang siya. Dinig na dinig
