LULAN sa sasakyan ni Ezekiel habang pauwi sa bahay na tinutuluyan ni Alani nang biglang may humarang sa kanyang daraanan na sasakyan. Mabilis siyang napapreno at kaagad na kinuha ang kanyang baril. Nagkataon pa naman na wala ng tao sa daan at wala siyang kasamang bodyguard. Hindi n’ya mapigilang hindi kabahan. May mga kinausap siyang investor para sa kanyang wine business na bubuksan kung kaya siya ginabi ng uwi. Kanina pa nga tawag nang tawag si Alani sa kanya upang alamin kung uuwi s’ya.
Napansin niya ang tatlong lalaki na bumaba ng sasakyan. Nakabonnet ang mga ito at may mga dalang baril na nakatutok sa kanya. Bullet proof naman ang kanyang sasakyan kung kaya kampante siyang hindi s’ya matatamaan ng mga ito.
“Baba!” narinig niyang sigaw ng lalaki. Wala sigurong ideya ang mga ito na bu
