HANGGANG NGAYON ay parang nakalutang pa rin sa alapaap si Ezekiel dahil sa kanyang nalaman. Hindi siya makapaniwala na dinadala ni Alani ang kanyang magiging anak. Ang makasama ang babaeng minamahal ay sapat na sa kanya. Bonus na lang ang magkaroon ng anak.
Ang higpit nang pagkakahawak n'ya sa kamay ni Alani. Hindi na s'ya makapaghintay na sabihin sa mga magulang ang pinakamasayang balita ba kanyang natanggap.
"Masaya ka ba na magkakaanak na tayo?" tanong sa kanya ni Alani. Binagalan n'ya ang pagmamaneho at sinulyapan ito.
"Walang mapagsidlan ang saya ko. Wala na akong mahihiling pa," nakangiti niyang sagot.
Humilig ito sa kanyang balikat.
Nakangiting sinalubong sila ng kanyang mga magulang pagdating nila. Niyakap n'ya ang kanyang ina nang mahigpit.
"You look happy," wika sa kanya n
