Nagising ako sa malamig na temperatura rito sa loob ng kuwarto. Halos manginig ako sa lamig. Geez! Hindi ko napansin na nakatulog pala ako.
Madilim na rito sa loob at tanging nagbibigay na lang ng liwanag ay ang lamp post na nasa gilid ng kama. Umayos ako sa pagkakahiga at habang inaayos ang kumot ay naramdaman ko na para bang may nakatingin sa akin. Napalinga ako sa paligid at halos mapabalikwas ako ng bangon nang makita ko si Sebastian na nakatayo at nakasandal sa pader sa gilid lang ng kama na hinihigaan ko. Nakahalukipkip siya habang matamang nakatingin sa akin.
Damn! Why is he here?!
“You are awake. Did you sleep well?” tanong niya gamit ang baritono at malamig niyang tinig.
Nangunot ang noo ko. Teka, ano’ng oras na ba? Lumingon ako sa bintana para tingnan kung sumisikat na ba ang
