Sa dami noong puwedeng makalimutan ay talagang tuwalya pa. Hindi ko rin naman nabitbit ‘yong damit na pinabili ni Sebastian para sa akin. Sa pagmamadali ko kanina ay hindi ko na naisip ‘yon. Pinipilit ko kasi ang sarili na dumistansya na sa binata dahil parating sa iba napupunta ang mga pangyayari sa tuwing nagkakadikit kami. Parang ang hirap laging huminga kapag nasa iisa kaming kuwarto.
Nagpalinga-linga ako sa loob ng banyo sa pagbabaka sakali na makakita man lang noong puwede kong itapis sa katawan kung sakaling matatapos ako sa paliligo mamaya, pero kahit na kapirasong tela ay wala akong nakita. Kahit nga bathrobe ay walang nakasabit dito.
Ang laki ng bathroom niya, may Jacuzzi pa siya pero wala man lang spare na bathrobe dito sa loob. My gosh, Sebastian! Ang sarap mong kaltukan sa
