"You better throw that in my direction, Chrismel!"
"No! Sa akin dapat. Ako muna ang ikakasal dahil ako ang pinakamatanda sa ating lahat. Hayaan n’yo na ako!"
"Hindi lang ikaw ang mawawala sa kalendaryo, Bea. My gosh!"
Hindi ko alam kung kanino ko ibabaling ang tingin dahil kanina pang nagkakagulo ang mga kasama kong babae. Sila 'yong mga katrabaho at malalapit na kaibigan ni Chrismel na sila ring bridesmaids niya.
Nandito na kami sa reception ng kasal na hindi rin naman kalayuan sa pinagtayuan ng altar kanina. Ilang hakbang lang din iyon halos mula roon. Papalubog pa lang ang araw pero halos magsisimula pa lang ang kasiyahan. Mas lalong gumanda ang ambiance ng lugar dahil naghahalo na ang kulay rosas at pagiging asul ng kalangitan. Sabayan pa ng panaka-nakang pag-alon at ang malamig na
