"Are alright, pare?" tanong ni Steven kay Justine.
Bumuga ng hangin si Justine na para bang may mabigat siyang dinadala. Minsan lang siyang magyaya ng inuman nang walang okasyon. Gusto niyang maglabas ng sama ng loob. Napapansin na rin kasi ni Justine na tila ba nagiging magulo na ang buhay niya at hindi niya alam kung dahil ba iyon sa ginawa niya kay Cara. O sadyang naging magulo ang buhay niya dahil sa mga maling desisyon niya. Sa totoo lang, nahihirapan na rin siyang kontrolin si Karen sa pagiging maluho sa maraming bagay. Ngunit ayaw naman niyang magalit ito sa kanya na maging dahilan para iwan siya nito. Hangga't kaya niya, gusto niyang ibigay ang lahat ng naisin ni Karen.
"Hindi ko alam, pare.... naging magulo ang buhay ko nang hindi ko malaman ang dahilan. Minsan iniisip ko na ba
