Naging abala sa kaniyang food stall si Cara dahil linggo ng araw na iyon. Maraming tao sa mall. Maraming bumibili sa kanila. Kahit papaano ay nasasanay na siya sa mga ginagawa doon. Nagagamay na niya. Kahit na siya ang boss ng mga crew niya, hindi niya ito tinuturing na iba. Talagang tumutulong siya sa pagbebenta.
"Ayos ka lang po ba, ma'am?" tanong sa kaniya ng crew niyang si Aina.
"Oo naman! Nalilibang nga ako. Challenging din dahil maraming tao ngayon at maraming bumibili sa atin. Kapag nandito ako, nalilibang ako kahit na napapagod ako. Ang mahalaga, masaya ako. Ayoko naman kasi ng masyadong matrabahong at dagdag isipin. Gusto ko iyong malilibang lang ako," sagot naman ni Cara.
Nagpatuloy na sila sa kanilang ginagawa. Nililibang ni Cara ang kaniyang sarili dahil mamaya, sa kaniya u
