"Ano? Natahimik ka yata?" muling sabi ni Clyde dahil hindi na nagsalita pa si Justine.
"Ikaw naman kasi parang sinasabi mo na mahina akong nilalang. Parang kinakampihan mo pa ang asawa kong g ago."
Tumawa si Clyde. "Paanong kinakampihan? At saka bakit ka ba naaapektuhan? Akala ko ba wala kang pakialam sa kaniya? Inutusan mo pa nga akong akitin siya, 'di ba? Na parang sinusuka mo talaga siya tapos nagkakaganiyan ka ngayon?"
Nasapo ni Justine ang kaniyang noo. "Hindi naman sa ganoon. Naiinis lang ako kasi nag- ibang bigla ang ugali niya. Siguro nagsimula ito noong magkaroon na siya ng kabit. Well, wala naman akong pakialam talaga. Parehas lang naman kaming may kabit. Ang sa akin lang, nag iba ang ugali niya."
Gustong tumawa ng malakas ni Clyde. Gusto niyang tawanan ang kumpare niya dahil
