TAPOS nang magluto ng hapunan si Kyden. Naihanda na rin niya ang mesa subalit hanggang ngayon ay hindi pa rin nagigising si Arya. Pasado alas nuwebe na ng gabi at kailangan na niya itong gisingin. Hindi niya ito puwedeng hayaang matulog nang hindi kumakain. Nagpasya siyang iwan na muna ang mga niluto saka tumungo sa kanyang silid kung saan ito naroroon.
Maingat ang ginawa niyang pagbukas ng pinto. Dahan-dahan siyang naglakad palapit dito. Nang makaupo sa gilid ng kama ay agad niyang inabot ang kamay ng dalaga. Hinawakan niya ito nang mahigpit habang matamang nakatingin sa maamo at maganda nitong mukha.
Hindi na niya nagawa pang itanong kay Lucas ang totoong dahilan kung bakit natatakot si Arya sa sunog. Pagdating nila sa apartment ay agad itong nagpaalam. May importante raw itong gagawin
