NAPAHINTO sa paglalakad ang isang binata nang makarinig ng malakas na tawa. Nanggagaling iyon sa malawak na living room ng kanilang bahay. Kahit hindi niya ito silipin ay batid niyang pag-aari ng kanyang ama ang tawang iyon. Halos nakagawian na nito ang mag-imbita ng mga kaibigan at kasosyo nito sa negosyo sa kanilang tahanan pagkatapos ng trabaho. Hindi na bago sa kanya ang ganitong eksena.
“Sure, Mr. Jimenez. Puwede nating gawin ’yang suggestion mo sa nalalapit nating project. That’s actually a great idea.”
Sa ikalawang pagkakataon ay muling huminto sa paghakbang ang kanyang mga paa. Ang guhit ng kanyang mga kilay ay biglang naging isa nang marinig ang pamilyar na apelyidong iyon.
“Jimenez. . .” mahinang sambit niya. Dala ng kuryusidad ay dahan-dahan siyang naglakad palapit sa gilid n
