“GRABE, busog na busog ako,” habol ang hiningang sabi ni Kyden habang nakahawak sa kanyang tiyan. Kalalabas lang nila sa isang fast-food chain at tama ang sinabi ni Arya, hinding-hindi siya magsisisi na sa lugar na iyon nila napiling kumain. Maliban sa mura lang ay masasarap pa ang mga ibinebentang pagkain ng mga ito.
“Sinabi ko naman sa iyo, hindi natin kailangang pumasok sa mga mamahaling restaurant para makakain ng mga masasarap na pagkain,” nakangiting sabi nito. Marahang tumango si Kyden. Mabuti na lang at pinagbigyan niya itong mamili ng lugar na kanilang kakainan. Kahit hindi nila nagamit ang free coupon na ibinigay ni Moira ay masaya pa rin si Kyden dahil mukhang nag-enjoy naman nang husto si Arya sa pananghalian nito. At iyon ang mahalaga sa kanya.
“Saan mo gustong pumunta?” tan
