“KYDEN.”
Tumigil sa pagliligpit ng kanyang mga gamit si Kyden nang marinig ang boses ni Arya na tumawag sa kanyang pangalan. Pinagbalingan niya ito ng tingin at hindi niya napigilan ang mapangiti habang pinapanood itong maglakad palapit sa kanya. Nang tuluyan itong makarating sa kanyang harapan ay agad niyang napansin ang malungkot nitong mukha.
“May problema ba?” tanong niya at bahagyang ipinilig ang kanyang ulo para makita nang maigi ang mukha nitong nakayuko. Nabigyang lunas na ang problema nito kay Thalia kaya hindi niya maintindihan kung bakit malungkot pa rin ito. Kung tutuusin, dapat ay nagce-celebrate sila ngayon para sa nakamit na hustisya.
“K-kailangan mo ba talagang umalis at pumunta sa Coffee Shop na iyon? Doon mo ba talaga gustong magtrabaho?”
Ilang segundo ring natigilan
