BITBIT ang mop at isang baldeng tubig ay tumungo sa gym si Kyden. Gaya ng sinabi ni Sir Kenny noong nakaraang linggo ay kailangan nilang linisin ang buong gym sa loob ng tatlong araw bilang kabayaran sa ginawa nilang gulo sa loob ng kanilang silid.
Nauna nang tumungo roon si Arya, kasama sina Thalia at ang dalawang alalay ni Markus. Kung siya lang ang masusunod ay hindi niya hahayaang mawala sa kanyang paningin si Arya. Nagkataon lang na inutusan siya ng kanilang guro sa Pilosopiya na kung maaari ay tulungan niya muna itong buhatin ang mga dala nitong libro papunta sa Teacher’s Office. Hindi naman niya ito puwedeng tanggihan kaya sinunod na lamang niya ang inuutos nito.
Minadali na lamang ni Kyden ang paglalakad nang sa ganoon ay makita na niya si Arya at mapanatag ang kanyang loob. Pagd
