PASADO ALAS DIYES na nang umaga nang dumating sila sa bahay nila Jam. Wala ang pamilya nito doon at tanging katulong lang sumalubong sa kanila. Sinabi ng mga ito na nasa restaurant na lahat at naghahanda na doon para sa birthday celebration ng ama nito. Nakahinga siya nang maluwang kahit paano. Hindi makapag-function ng maayos ang utak niya dahil kulang pa siya sa tulog. Kanina pa niya iniisip kung paano sasagutin ang mga tanong na ibabato sa kanya nang kahit sino sa pamilya nito.
“You can sleep first, loves. Mamaya na tayo pumunta doon,” sambit sa kanya ni Jam.
“Hindi ba tayo tutulong sa preparations?” tanong niya.
“They’re done already. Sinabi ko na din kay mama na nandito na tayo.” Tinungo niya ang kama nito at doon naupo. Ginala niya ang tingin sa paligid at napansin niyang kung g
