Kanina pa ako paikot-ikot sa loob ng JT mall nang walang direksiyon habang iyong isip ko ay naroon sa taong naghihintay sa'kin sa labas.
Mabuti na lang talaga at hindi nito naisip na sumama sa'kin dito sa loob.
May anim na entrance at exit ang mall at kasalukuyan kong tinantiya kung aling exit ang pinakamalayo sa kinapaparadahan ng kotse ni Rusca at may pinakamalapit ba access sa public transportation.
Nanakit na iyong mga paa ko at pinagdarasal ko na sana ay matagalan sa paghihintay si Rusca at maisipan na lang nitong umalis pero medyo kabado rin ako na baka mainip ito at sumunod sa'kin dito sa loob.
Sa isiping iyon ay mabilis kong tinungo ang kasalungat na exit sa pinasukan ko kanina.
Ito iyong pinakamakayo sa kinaparadahan ng sasakyan ni Rusca at dasal ko na sana ay may makita agad
