Buong araw akong nagkulong sa silid ko. Pinagluluksa ko ang pagkamatay ni Ate Ellie habang pinaplano ang gagawing paglalayas.
Kanina ay umasa pa akong hindi totoong wala na si Ate Ellie pero naglaho lahat iyon nang mapanood ko ang balita tungkol sa pagkaaksidente nito.
Hindi pa nahuli iyong salarin at hindi rin ibinalita kung nasaan ang mga labi ni Ate Ellie.
Tiyak na kinuha ito ng Angels' Heaven dahil kahit na wala na roon si Ate Ellie ay iyon pa rin ang nagsisilbing tahanan nito maliban kay Rusca.
Buong buhay ko ay ngayon lang ako nakaranas bang ganito katinding sakit. Iyong uri ng sakit na parang pinipiga iyong puso ko at tuwing humihinga ako ay ramdam na ramdam ko iyon.
Parang may parte ng pagkatao ko na nawala. Maging iyong katawan ko ay ayaw makisama. Nanghihina ako at wala akon
