Pinili kong huwag nang sagutin ang tanong ni Rusca at ibinaling ko ang pansin sa bitbit niyang laundry basket.
Hinawakan ko ito upang kunin mula sa kanya para makaalis na ako.
"Marami pa akong trabaho kaya please lang pakibitiwan," mahinahon kong pakiusap sabay hila ng basket na hawak niya. "Akin na," mariin kong dagdag with matching pandidilat pa ng mga mata nang bigo akong makuha ang pakay ko sa unang subok.
Hindi man lang siya tuminag sa halip ay mas humigpit pa ang pagkakahawak niya sa basket kaya hindi ko mahila-hila kahit buong lakas na ang ginamit ko.
Ni minsan ay hindi naisip na sa muling pagkikita naming dalawa ay agawan ng laundry basket ang una naming gagawin.
"Tutulungan na kita," kalmado niyang wika.
"Hindi ko kailangan ng tulong," mabilis kong tanggi. "Kaya ko 'tong m
