Matalim ang titig niya. Pilit akong ngumiti sa kanya, ngiting kabayo. Malapit ko na maging kahawig si Vince Ganda kapag nagtagal ito. Umirap naman siya, umiwas ng tingin, at dumiretso sa hallway. Ano ginagawa niya dito? Sinusundan niya ba ako at paano naman niya malalaman na nandito ako? Napatingin sina Seb at si Logan sa akin. Alam kong napansin nila si Matt at ang pagsulyap namin sa isa’t isa, bago siya dumiretso sa kabilang Emergency Room.
Patay ka talaga, Noemie. Maghanda ka ng kabaong mo! Kapag ‘yan nagalit at nagselos, siguradong ima-machine gun ka niyan sa likod!
Hindi ko naman agad siya nasundan. Napako ako sa kinatatayuan ko. Saka na lang siguro kapag nakahanap ako ng alibi. ‘Yong tipong papatusin niya, ‘yong hindi siya magdududa.
“Matt, ah… Nahulog ako sa spaceship ng Alien
