KINABUKASAN, pagkarating ko sa opisina ay agad kong binuksan ang social media ko para makibalita sa nangyayari kina Zach. Sinubukan ko siyang tawagan kagabi pero hindi ako sinasagot. Nag-deactivate din ang mga accounts niya at pati ang page namin ay nawala. Wala naman masyadong balita tungkol sa kanya na dumadaan sa feeds ko pero nasa trending topic sila ngayon.
Ikaw ba naman pahiyain ng sikat na Vlogger? Ano ang magagawa mo at sino ang papaniwalaan ng mga tao? Nag check rin ako sa group chat namin kaso walang kahit na anong latest mensahe doon. Mayamaya ay tumawag si Beatrice sa akin. Mabilis ko itong sinagot at nagtago pa sa isang sulok upang hindi marinig ni Matt kung sakaling dumating man siya.
“Nagkulong sa kwarto si Zach.” Balita ni Beatrice sa akin, bakas sa kanyang boses ang lung
