“Sino ‘yon?” tanong ni Matt sa akin. Hindi pwedeng makipag-usap ang mga waiter sa mga customers, kahit kakilala pa nila kaya mabilis na umalis si Seb matapos makuha ang order namin. Ako na halos hindi makain, hindi ko alam ang gagawin ko gayong nakita ako ni Seb kasama si Matt. Kung kilala niya si Matt ay mas lalong delikado.
“Ha? Ah, classmate ko lang nagpa-part time dito.” Hindi ako nagsisinungaling! Classmate ko si Seb sa iilang subjects pero kumpara sa akin, mas pabaya siya. Mas madami siyang subjects na dinrop out niya dahil sa pagbabanda.
Napatingin naman si Matt sa akin, ang kanyang mga mata ay mapanuri, mapagmatyag, matanglawin. “Kuya Kim? Ikaw ba ‘yan?” biro ko sa kanya at tumawa. Napawi ang ngiti sa labi ko at tumikhim na lang nang walang kahit na anong humor sa kanyang reaksyo
