AIREEN
“M-MALILIGO lang ako, Gav,” bulong ko sa kanya na ikinangiti niya sa akin. Bahagyang lumuwag din ang pagkakayakap niya.
“Alright,” aniya, saka tuluyan akong pinakawalan.
Agad akong tumalikod sa kanya at nagmamadaling pumasok ng banyo. Pagkapasok ko ay sumandal pa ako sa pintuan dahil sa kabog ng aking dibdib.
Napapadalas ang paghalik at pagyakap niya talaga sa akin. Siyempre mahirap i-resist ang gaya ni Gavriil dahil sa taglay nitong kakisigan. Aminado naman siya doon.
Pero anggang kailan ko kaya siya maiiwasan? Hindi pa ako handa. Oo, may anak kami pero dahil lang ’yon sa epekto ng alak. Ngayon, walang alak kaya ganoon na lang ako kinakabahan. Saka hirap pa akong pagkatiwalaan si Gavriil kahit na maganda ang pinapakita niya sa akin nitong nagdaan.
Napaisip ako bigla ng gaga
