ARABELLA
HINDI ko alam kung paano napapayag ni Gabriel sina Tita Ylona aat Don Facundo na siya na ang maghatid sa akin. Basta nagpaala lang siya sandali na babalik sa loob. Paglabas niya, inihatid na niya ako sa amin gamit ang sasakyan niya.
Hindi na ako nag-abala na itanong pa iyon sa kaniya habang nasa biyahe kami. Sobra kasi akong nawili sa company niya. Ang sarap niyang kakuwentuhan. Kasi bukod sa pagkakaroon niya ng sense of humor, matalino rin si Gabriel. Alam na alam niya kung paano ako mag-open ng topic na makukuha niya ang atensiyon ko. Siguro dahil napansin nga niya na hindi ako palaimik masiyado.
At kinikilig ang puso ko na nag-e-effort pa talaga siya para lang makausap ako.
Dati, takot akong sumama o kahit lumapit man lang sa mga estranghero. O kahit nga kakilala ko pa per
