ARABELLA
“WALA pa bang balita kay Don Facundo, Pa?”
Napahinto ako sandali sa pagbaba sa hagdan nang marinig ko ang tanong na iyon ni Kuya Aries kay Papa.
Isang buwan na rin kasing nawawala si Don Facundo. Ang sabi nina Papa at Kuya, habang pauwi raw noon si Don Facundo galing sa birthday party ni Tita Ylona, may humarang sa sasakyan niya at kinuha siya. Hanggang ngayon, hindi pa kilala ang mga kidnapper at kung saan siya dinala. Pero malakas ang kutob nila na isa sa mga kalaban sa sindikato ang kumuha kay Don Facundo. At ganoon din ang palagay ko. Wala namang ibang maglalakas ng loob na gawin iyon sa isang mayaman at maimpluwensiyang tao tulad niya. Pero siyempre, hindi naman nila iyon puwedeng sabihin sa mga pulis.
Hanggang ngayon, hindi ko pa rin alam ang totoong nararamdaman ko sa
