ARABELLA
“APO, hindi naman sa pinagtatabuyan ka namin. Pero bakit ka nandito?” tanong sa akin ni Lola Iska. Nagulat sila ni Lolo Magno sa biglang pagdating ko. Dito ako dinala ng sobrang sama ng loob ko. Alam ko kasi na susundan ako ni Gabriel sa bahay ni Sir Luigi at ayaw ko na madamay siya sa away naming mag-asawa. Pero ang mas masakit, I know na gagawin lang niya iyon dahil sa mga hinala niya. “At saka bakit nag-iisa ka? Nasaan ka si Gabriel?”
“Oo nga naman, apo,” boses naman ni Lolo Magno na nag-aalala rin sa biglang pagsulpot ko. I know na lalo nilang ipinagtataka ang pagdating ko na hindi man lang nakapag-ayos. Pambahay lang itong shorts at blouse na suot ko. “Nasaan ba ang asawa mo at hinayaan ka niyang bumiyahe nang mag-isa?”
Hanggang ngayon ay hindi pa alam nina Lolo Magno at L
