GABRIEL
NASAPO ko ang aking noo nang tuluyang makalabas ng gate ang kotse ni Arabella. Gusto kong sumakay din sa sasakyan ko at habulin siya. Sports car naman ito at kayang kaya ko siyang habulin kung tutuusin. Ngunit pinigilan ako ng galit ko sa kaniya. Baka isipin pa niya na kaya niya uli akong paikutin sa palad niya. Sapat nang nalaman ko na pamangkin siya ni Ylona para lalo akong mamuhi sa aking asawa.
Kung noon ay gusto ko na hiwalayan niya ako, iba na ngayon. Naisip ko na mas madali lang sa akin ang pahirapan siya kapag nasa poder ko at mag-asawa pa kami. Handa akong itali ang sarili ko sa kaniya kung ang kapalit naman niyon ay makakamit ko na ang paghihiganti na matagal ko nang gustong gawin sa tiyahin niya. Umaasa ako na sa gagawin ko kay Arabella, muling magkrus ang aming landa
