ARABELLA
“DID you like the foods?” tanong ni Gov. Gabriel pagkatapos naming kumain ng mga niluto niya. Mag-a-alas sais na kaya parang early dinner na rin namin iyon.
Nakangiti na hinimas ko ang aking tiyan. “Opo, Gov. Ang sarap-sarap!”
“I’m glad to hear that.”
“May talent po pala kayo sa pagluluto?” Hanggang ngayon, hindi pa rin ako makapaniwala na marunong siyang magluto. Siya rin ang nag-prepare ng lamesa imbes na ako dahil cottage daw niya ito at bisita ako. Hindi ako makapaniwala na sa isang iglap lang, parang nagkapalit kami ng sitwasyon.
Samantalang sa mansiyon ni Sir Luigi, siya itong pinagsisilbihan ko.
“To be honest, ngayon lang talaga ako nagluto. Though, matagal na akong natuto dahil dating chef ang lolo ko bago siya pumasok sa pulitika.”
“Wow! So, you mean po, ang lolo
