ARABELLA
UMUNAT ako nang magising ako kinabukasan. I have this feeling na ang umagang ito ang isa sa pinakamagandang gising ko. Nagulat pa nga ako dahil sa ngiti na nakahanda sa mga labi ko nang bumangon ako. Bigla ko kasing naalala na magkasama nga pala kagabi ni Gov. Gabriel at wala akong nagawa nang mag-insist siya na ihatid ako dito sa cottage ko.
Iiwas-iwasan mo ‘yong tao tapos kikiligin ka naman pala nang ganito kapag magkasama kayo. sita naman ng isipan ko.
At simula ngayon ay binabawi ko na ang pangako ko sa sarili ko na iiwasan si Gov. Gabriel. Ano naman ngayon kung alam na niya na crush ko siya?
‘Di ba ito naman talaga ang pangarap ko noon pa man kaya ako nandito sa sitwasyon ko ngayon? Ang mapansin niya ako at makasama ko siya palagi. At kung puwede nga lang na maging asaw
