ARABELLA
PUNO ng pagtataka na lumabas ako ng aking silid pagkatapos akong sunduin ng isa sa mga kasambahay. Ipinapatawag daw ako ni Lolo Emman sa kuwarto niya dahil may mahalaga siyang sasabihin. . raw kaya kailangan kong pumunta agad. Hindi ko alam kung ano ba ang importanteng sasabihin sa akin ng lolo ni Gabriel na hindi kasama ang asawa ko.
Nasa kapitolyo kasi siya ngayon. Tinatapos na lang niya ang mga kailangan niyang gawin at tuluyan na raw niyang iiwan ang pulitika para sa pagbubuo ng aming pamilya. Nang dahil sa desisyon niyang iyon kaya lalo akong nahiya at naawa sa asawa ko na hanggang ngayon ay bigo pa rin akong bigyan siya ng anak. Mag-iisang taon na kami next month. Araw-araw akong nagdadasal sa Diyos na sana, ibigay na Niya ang kahilingan kong iyon sa first wedding annivers
