ARABELLA
“MAGPAHINGA ka muna sa loob. Ako na ang pupunta sa poso para mag-igib,” wika ni Gabriel at saka masuyong hinaplos ang aking pisngi. “Medyo namumutla ka kasi. Are you okay? Napagod ka ba sa paglalakad natin?”
Muntik ko nang isagot sa asawa ko na normal lang ito sa buntis na tulad ko. Na para bang haggard palagi. May ganitong cases daw talaga sabi ng OB-GYNE ko. Lalo kapag sa mga unang buwan. Though, may ibang babae naman na mas nagiging blooming daw kapag nagbubuntis.
“Hindi. I mean, hindi naman ako napagod. At saka okay lang ako. Kulang lang talaga siguro ako sa tulog.”
Lumamlam ang mga mata ni Gabriel nang punasan niya ang pawis sa aking mukha gamit ang kamay niya. “Sorry kung ilang araw na kitang pinupuyat. Bawi ka na lang mamayang gabi, okay?” Tila naglalambing na niyakap
