ARABELLA
“BAKIT mo ginagawa sa akin ito, Kuya Aries? I’m your sister,” umiiyak na sumbat ko sa aking kapatid habang lulan kami ng private chopper pauwi ng Bacolod. Isa ito sa mga property ng aming pamilya na kailan man ay hindi ko ipinagmamalaki. Dahil alam ko na galing sa masama. “Pero kahit kailan, never kong naramdaman na itinuring mo ako nang gano’n. Para n’yo lang akong ari-arian ni Papa. Na iniingatan n’yo dahil may pakinabang.”
“Hindi mo mararanasan ang lahat ng ito kung marunong ka lang sumunod kay Papa, Bella.” Malamig ang mga mata na nilingon ako ng aking kapatid. “Look at me. Wala siyang hiniling na hindi ko sinunod kaya masarap ang buhay ko.”
“Masarap?” nang-uuyam ang tono ko. “Kaya pala iniwanan ka noon ni Ate Fresca dahil nalaman niya na miyembro ka ng sindikato.”
“That’s
