ARABELLA
HINDI mawala ang ngiti sa aking mga labi habang pabalik kami ni Gabriel sa kubo. Galing kami sa batuhan at doon kumain ng breakfast hanggang lunch. Ngayong hapon na lang namin naisipan na umuwi.
Isang linggo na rin na kaming dalawa lang ang magkasama rito. Nagkaroon daw kasi ng unexpected family reunion sina Lolo Magno at Lola Iska sa Pagbilao kaya hindi agad sila makakauwi. Laking pasalamat ko rin na hindi na bumalik pa si Phoebe para guluhin kami ng aking asawa.
At sa loob ng mga araw na kaming dalawa lang ang magkasama, masasabi ko na malaki na ang improvement ni Gabriel pagdating sa pakikitungo niya sa akin. Though, hindi pa rin niya ako naaalala, unti-unti na niyang natatanggap na talagang asawa niya ako at nagmamahalan kami. Kahit iyon lang ang pinanghahawakan ko sa ngayo
