GABRIEL
RAMDAM ko ang pagdidilim ng aking mukha nang sa wakas ay tuluyan nang na-proseso ng isip ko kung sino ba talaga ang babaeng nakatayo ngayon sa harapan ko. Gusto kong magalit sa kaniya at isumbat lahat ng mga ginawa niya sa akin. I want to hurt her like what she did to me before. Ngunit mas nanaig sa akin ang sinabi sa noon ni Arabella. Na kapag ginawa ko iyon, patutunayan ko lang na hanggang ngayon ay mahal ko pa rin si Ylona dahil hindi pa rin ako nakakapag-move on.
“Hello, Gabriel.” Unti-unting lumapit sa akin ang ex ko.
At habang pinagmamasdan ko siya, hindi ko inalis ang aking tingin sa kaniya. Kinapa ko sa aking sarili, lalo na sa puso ko, ang tunay na nararamdaman ko ngayon na nagkaharap na uli kaming dalawa. At habang ginagawa ko iyon, saka ko lang napatunayan na wala na
