ARABELLA
KINABUKASAN, nagising ako dahil sa mabangong amoy na tila nakadikit sa ilong ko. Humahalimuyak iyon. Naramdaman ko rin na parang malalambot iyon na kumikiliti sa ilong ko.
Dahan-dahan akong nagmulat ng aking mga mata. Kumunot ang noo ko nang sumalubong sa’kin ang mga putting bulaklak na nakadikit sa ilong ko. Pag-angat ko ng mukha ay nakita ko ang guwapo at maaliwalas na awra ni Gov. Gabriel na nakatunghay sa’kin habang may hawak na sampaguita.
“Good morning,” nakangiting bati niya sa’kin nang makita niyang gising na ako. “Sorry kung naistorbo ko ang tulog mo. Sabi kasi ni Lola Iska, gisingin na raw kita. Nagpapagising ka raw nang maaga para maglakad-lakad sa dalampasigan.”
Mabilis akong bumangon nang maalala ko ang bilin kong iyon kay Lola Iska kagabi, bago ako natulog. Naba
